M ngu genger imo yilan We Yehova, Terem ahii uma wam, a penda ishigh, u yemen, shin Sheol m vaan ye.
Iwasen yam ka We Aôndo,Yehova ahii ivim a Cighan, Jijingi Wou ken mnyion, kpa mtoghor, Ter m kinen sha icam wuese iti You.
U fa ican i tserem, U fa mba mtoghor av cica, mngee u ayange am, kpa We U fa kanyi yam i lu, myer sha ishigh You shawono?
Er i lu a jirem ga je tsô U fa kwagh, wam U bee cica U fa iember man ijungwen, angev mbu m toghor, Terem U fa tsuaa i lu a jirem ga, hanma kwagh u a ve hen mo ne cii, m fa ka mne ian Wou U lan kpee ga
M ngu genger imo, ka shin Sheol, Ter Aôndo ahii! M hungwa ashe ikyôr a mnyion, bem hungur mo mkpeiyol hungur uma wam, m ule zuzu a ikyande iyol kpa Aba Ter ashe am, nga kenger sha We, Uhembansha, nam agee a ken jijingi m kinen sha iti You, Mngu, Mngu, sha ayange a iôôn i hila lu ken a mo her ne
Hesekia gba, angev gande un a vaa a We tese U, ijende na man ican, i yan na Ter U yima un, va gandem , tsô mo yô me tese nyi? Me tese Tor, aie idya, ihom, mban u dooshima? Mo ityôkyaa imôm m ngu a mi, ga kpa zungwem ken iti i Yesu,Yehova zungwem-oo m zamber, ken iti i Yesu
Se mba, mnyion a nzughul a vese yô mmem ngu se asema ga, ishimanyian man mcien ma kuugh, zeva se iyol se vaan ye, msen wase yô ka u ma U va ne se mmem, ortwer u hemban ka We, yô na se mbauangev cigh, tsô angev a bee se Tor Ugbem, Ter wea rumun yô tôô se iyongo ne sha, kpa Aôndo Tor, er er i doo U yô, ka ishima You la Aba Ter i er sha i keng keng ye
Aba mo yô m kegh iyol, er ishima You la, Terem a lu ikyaren je kpa, mimi taver, nenge ahuraior man mba wan ndor mba nyaghen mo, m hingir, ican i kunya m ule, Cighan, Jijingi va Yese, wam Yese wam oo suwem, m var a Tor Ugbem, m de yinan ishima ga Tor a kule sha er A soo yô
Ungwa imo i myer yase i se lu yilan, Eli-Eli-oo Lamasabatani pe Oryiman je kpa ngor ikyenge, sha terankon lu yilan,Yehova Aôndo, pe se kpa se genger imo ken ican, se yer U ne Tor Jijingi A suwe se er se saa ishe ga yô