Alu se kundu asema ga yô kwagh, u a doo se ken tar ne, a ye se asema yô un a va tim se, vande timin anmgbianev mbagenev, Bibilo ôr se yer ga, yô shi se ungwa, Jijingi u Ter A kimbir ôron sha ikyenge icam shi se ungwa vindi vindi

Semson, yange kwagh u kwase ya un shima, a za pase agee na ken Mbafiliti shien u yange a yav Delila sha ikyum, kwase ne, mee Semson Mbafiliti hondo un ityough, ongor ashe, “a wua wua” a vine ishor, mase kpen ku lu ku u kunya je

Yuda kpa ngise inyaregh, ki doo un ishima gande gema Yesu tee, kpa a kera ya ga “a tsenda kera” tsô kar yem fese je sende iyol na

Ior mban penda asema sha mdoom, ma tar ne yô ve kpe, ku u iyolough, se a penda asema sha mdoom, ma tar yô se va kpe kpee, a lu ku, u tar ne, ga kpa ku u tsôron ua bunde se je ga

M ngu nengen ayange ne, ka lun mo er mbagenev a tim ci u msôr man, shi inyaregh ki keren, ve ve penda asema ve sha kwagh u ikyôhô shi kua inyaregh, u umbur er ve mba cighan mba kera umbur ga, ahii ne kundu asema ga Ter A hide, yô ne nenge tar Na ga

Ikyaan yam a vene yô, anmgbianev av, ne mba kwagh u tar, alu ne ken shima, ka nea bende ikyôhô ga ve, mtem a gba iyôugh la cii ma ne shi dugh sha, mba zenden tugh, u keren atôndo a kuven la kpa ka kwagh, u nan mtim, saa Yesu Ter Un a lu or ken ishima man, nan a war ku ye

Se ngohol Yesu Oryiman yô shi se hungur a mdoo u tar, tar a hôm nan kpa se kera kenger nen u ga, se se penda asema ka sha Yesu, u zenden, kpa se zenden a Tor u Uma u tsôron u yaven kpa se yaven a Tor u bem a yima se

Se yô se kundu nen asema tar ne ua hôm nan je kpa, u de saren se ga se va za tim, isharen yase ka sha Yesu er se za nyôr, Peradiso a iember a saan, se iyol ken tar la se tema u ember a Ter Yesu gbem a bee sha won ga