Eliya, or u cian Ter Aôndo sha mimi a er msen, tor Ahaba nenge, a kwagh u cier iyol je gande, avule kera gba ga ura kera nôô ken Iserael ga, kuma anyom atar man iwer ateratar, lu sha imo i, profeti, Eliya Ter nôô ura ga

Shi sha imo i profeti Eliya, usu u Ter sen hia nagh ku, nanden man, ikon shi awen kua, vuulevu ndiar mngerem ma, shin ihungwa ior nenge yô ve kaa er ka Ter, A lu Aôndo ka Ter A lu Aôndo ye, hen shien ne uprofeti, mba baal Eliya tim cii

Hen ayange ne, kpa mba cian Ter Aôndo mba mimi ka vea gule, msen yô Ter Aôndo ngu ungwan, msen ve ngu agee, Aôndo ungwan mbera mba, ve cie Un, yô se gule msen sha ci u, tar wase Nigeria, ga tar wase hegen ne u hemba vihin, a tar u Iserael u yange Tor, Ahaba lu vihin ve, gande profeti sônon Ter la

Tar vihi, ahegen ken Nigeria i kunda yol, mba wuan ior mba ishôôgh je mba haan, awambe a ishôôgh inya shi iyol i kangen i hen ayange ne ka ityesen, i ormee, ka i ityesen i Ter ga, idya hingir kpenga hen ior mbagenev, iiv hingir kpenga, aie u eren hegen ne ka kwagh, u naan mbagenev, mtsera je gande cii, nenge angereke hegen ne hingir, ior mbagenev takeda u, vea zua a tom hen gomonti jighilaa,

Ken Cighan, Nongo kpaa mvihi ne tswer ga, a vihi ior mbagenev jighijigh ve u nan, kua ishimaverenkeghen ve la a vihi cii, a vihi ve dooshima, anmgbianev akaa ne yina, ken iniongo i Kristu i genev, ilu yemen, zemba, ze zemba ye, saa a sôn Aba Tor Ugbem

Se son, Ter ga yô anmgbianev mba cian Aôndo mvihi ne un a lu, heregh yemen, yô se gule mba msen a uzamber se son Aôndo A gema, ior i Nigeria man Benue A bugh, tar u Tiv asema, ve undu aeren aafer la ve dondo Yesu ka Oryiman, ka Un tseegh Un a yima se ye, gadia ma iti i gen i a yima, or ami ngi ga, saa ka, iti i Yesu tseegh

Mough se gule mbamsen, anmgbianev mba cian Aôndo mbamsen asev mba agee, Aôndo Ter wase ngu ungwan, a va kuma Un, U na gemaior i nigeria asema, vea hingir mba cian Un, ve a lu mba civir Un sha gbashima, ken iti i Yesu, tsô anormee Satan Un a va ahege