Icighan Bibilo ngi ôron se kpur kpur, er ior mbagenev mba yange ve hura yemen, sha isharen inyar yô yange ve ya ikumen atsan, Aôndo Ter wase lu yuwe ve, shi tor tim mbagenev ve kpe ku or war sha won ga

Lu Anania man kwase na Safira, yange isharen i inyar ifer i na yô, ve kera tese mlu u ior mba cian, Aôndo ga ve nyôr iyol ken ifer i eren Aôndo Ter wase lu yuwe ve, shi Tor tim ve sha shima i vihin, ma or môm nan war sha won ga

Or ugenegh ken tar u Iserael, i lu Gehashi, lu eren tom vea Icighanor u Ter Aôndo Elisha kwagh môm ban un ga, kpa isharen inyar na yô a er bokwagh u vihin hen Ter Aôndo a ngohol inyaregh ki Elisha venda u ngohol hen Naaman la, kwagh u kpiligh iyol yan er, bo imande u bo shile sha ana man kua tsombor na

Hegen kpa ior kpishi mbagenev ve yem keren inyaregh ki ifer la, ior mbagenev mba shi wuan ior mba iin ior kpa ka kwagh u inyar, ior mbagenev ve venda u civir Aôndo tsô ve venda tom Na, kwagh u inyar la hange ve hemba Ter wase Utsôron sha

M ngu pasen hanma or yô nan a due ken ifer ne fefa, anmgbianev nenge sha ayange a Ter Yesu kpa yange ikumen, kwagh er doo ga, Yuda lu môm ken mbara mbadondon Oryiman, kpa soo inyaregh ki sha ifer yô,Yuda nyôr ken zegeican i bo i vihin, tee Ter wase Yesu Tor, inyaregh na yô yange a wua iyol na

Yô gema nen asema ahegen ne fefa, se ker nen inyaregh, ki sha mimin la Aôndo Ter Tor, veren ki iveren Na, Aberaham vea Yakob shi Davidi Tor Solomon ve kume shagba sha inyaregh vev je kpa ve lu keren, ki sha ifer mayange ga

Se tsegha nen ayol ase se cia nen inyaregh ki i keren sha ifer la vindi vindi nenge ior, mbagenev ki hange ve ve tsume ve undu jighijigh ve u nan hen Ter Aôndo Tor Uuma Tor Ugbem, zan zan je yô mbagen zua ku ve saa kpum kpum

Se kura nen ayol ase se kem nen iyol sha kwagh u inyaregh ki i eren ki sha ifer la ki de yangen se, u nyôron tar u sha u tsôron ga