Ter Aôndo gema Wan Na Yesu na ci u asorobo a uuma, uma u Ter Yesu la hemba, A hemba hanma inja kwagh i tar ne kpa A tange ga, ka u tesen se er wea tôô, kwagh u nan Ter yô de tangen a tange iyol ga shi de vaan afanyô ze-oo naan a iember

Shi Icighan Bibilo kaa er, civir Ter sha inyaregh you man shi iyiav mbi ken sule wou, ka nahan man iuna you ia iv ye, ihungwa you i shoghor, atam a wain, shimi a iv, a uerdoo, mba Ter a haa inya ye

Kpa kwagh yina uuma ken tar ne, mbagen wa hua, man bo kpishi, ve kav er u nan kwagh sha tom Wou a ne se iveren ga Tere imba kwagh u yange Nabal yan man kpe sha ikyev i tor Davidi ahii anmgbianev se se nan nen kwagh un a gbaikyôr se na Aôndo Un a vese ga, kpa shi se na a iember

Yô kwagh a de kera, banen se u va nan nagh a min ga môm-ken-upue kpa Ter A ngohol, de kwagh u ikyereve i sha inyar la ka u van aveve sha ishigh ki Ter wase A soo ga ye

Tese se se nenge kwagh u yange Aberaham er, lu sha uwo u Moria gema Isaka na Ter nagh, Tabita lu nan kasev, akondo i lu iwua, shi Hana kpa yange a na Samuel shi kwasechoghol na, i lu anini uhar a gema a na Ter a iember, kwagh ne alu se ityesen mbadondon se tange u nan ga

Mbera mba ve lu a kwagh ga kpa Icighan Jijingi yô A fa ne mba Anania a Safira mbera kpa A lan je ga, or a tema inya alu eren atseregh A fa nan, yô ka we Nabal ne na Tor u Uma kwagh iveren, a lu sha we yough yough

Ngohol, se uiwua Terwase Na se iveren kegh ave-oo ka asema ase je se nan We ye