Kwagh u ityav mbi nôngon, ne ka iferor yan vande hiin u nôngon ityav sha ya u Aôndo ye, zum u chihi yan i va kende un a hii u kperan hemen a Tor wase Ter Aôndo yô yange shima vihi Tor na ian tsô Michael, ortyom Na ti mough fele zom iferor kange a kange kpene kpene kende shin inya ve shi a mough ityav sha vese u nôngon ahegen tar kpaa u gbuusu ye

Tar hingir hang hegen sha utya, u yem ken tar u Asia kpa mba nôngon u za tar u America kpa ka ityav, shi wea za ken tar u Iserael kpa ka gudu gudu, mbi nôngo nyôr ken Afrika, u za ken tar u Libia kua Igipiti cii, mba nôngon ayol ave, Nigeria yô ityav mbi nôngon hingir ve kwaghyan u sha hanma shie gbem

Ken Benue yô nenge inya i kperan tema tor mbakuranilev man mbakahansule ne kuma iyol hanma shien mba wuan ior haan awambe inya nenge Nigeria cica hingir ayôôso hegen Boko Haram kpa va yô kwagh er u bo hingir haghelaa je gomonti ngu nôngon u yangen nan nan je kpaa mbi a pever ga

Hemen u kperan, man inya mhembe man, shi inyaregh ka kwagh u a ne man num u lu nôngon je ne, er orumace a soo mhembe yum yô man hingir ityav ayuu!! Kpei Ter Aôndo va ga kwagh hemba se ityav mbin mbi tswer se mbadondon ga

Mcivir u civir, iti i Yesu kpa hegen hingir ican, u civir We ken tar ne ga yô ônov mba Ishimael mba nôngon iyongo a ônov mba Isaka man ityôkyaa yô er saa di vea gema ônov mba Isaka ve hingir ior mba-gberen-ichur-inya tsô kuma iyol kwagh ne hingir, inja er normnger kua nortar, mba nôngon ayol ave, alu ikpur a via ga yô toho a ya ican tsô Tor wase Aôndo Ter va yima se ga or a war sha won ga

Ka mbi iyolough tseegh ga mbi ken jijingi kpa mbi nôngon taveraa, ahegen ne Mbakristu, kpishi hingir u eren aie, shi kpehen asor, ve kende mimi kua shi dooshima, se nenge yô ken Cighan Nongo u Aôndo kpa ayôôso, kera ban keregh ga tar ne vihi jiva jiva

Ka tom u orihom, diabolo a lu eren yô, derakon yan vande nôngon a Mikael, sha la kpa a faityo ga hide va nôngo ityav a Yesu, kpa nenge a hemba ga Yesu ti yan nôngo ityav, hemba derakon yevese, kpa kule un ga shi a mough, ahegen sha ci u nôngon ityav a vese mbadondon ye

Se Mbakristu se taver nen asema zan zan, se vôr ga doo u se umbur imo i Yesu, yan ôr a vese ken Bibilo kaa er shien u mhir Na a kuma yô, tar ne ua tenger keng keng, anmgbianev ityav a taver, a lu nan nan je kpa Oryiman Yesu ka kurutya, ngu a vese her kwagh u hemban se môm ngu sha won ga

Na Jijingi a va suwe se sha er se kera yina ishima ga, se ver ashe ase sha We Tor u gbem ityav a taver, a lu nan nan je kpa se tile dông!!