Tor-bo u, ken tsombor u Kalebu iti na er Nabal, lu a, inyaregh je gande ôron, Davidi, yange wase ônov nav ken ikyôngo, kpa va tindin er a na kwagh, i za i za na un di yô a venda, je shi a lam côv côv

Ka an nan, lu di tor Davidi ka an nan lu Yese jimi?, ikpan i saa ior hen ayange ne i gbe zenden, mo u anti m tôô kwaghyan m na kpan a ya, Shima usa Davidi mough u zan ityav je kpa,Ter Aôndo u Uma yange un, sha zwa u Abigail

Kpa Nabal, kera tsa ga Yoheva Aôndo tsaha un a zua ku ci u bo ityô yam, u ôron a ôr yô se na, Nabal ibo eleghee, kpa u eren a er yô or wam za idyu ken ishima, tsô we u mase kaven

Ka or ngee a kwaghyan, inyaregh kua akondo umato kpishi, uya kpishi mbagen yô ka akondo a lu hendan, umato ken a ve ye, mba ndyaren aan a tom imôngo ngohol di injar i a, kwagh a gba u, za ase hen nan, orgenegh a lam daang, orgenegh yô nan vaa, ican alu u pe za keren di kwagh, va nan a na nan je Nabal aooo, or a duen ikyombo yô mbadondon ou gande ôron

Ka hen ior tseegh ga, hen Ter Aôndo kpa se mba eren bo, u vendan u nan môm-ken-upue u jimin, ken iyou i Ter, man Profeti Malaki kaa er or u nan, vende u van, a môm –ken-upue ka ormbaiv shi nan, ngu a ifan iyol zegeifan ka i been ga

Kpa bo u hemban vihin, yô ka u sha kwagh u Yesu, ior Kpishi ngohol myom u Yesu, kpa ve kera pase tar er ka Oryiman ga, pase ase tar kwagh u Yesu, sha mimi a jighjigh man dooshima, orwanndor a we kua orihyom wou cii nôngo pase ve, ican a lu nan kpa pase nan keng, nan a gema ga kpa u war, kpa u pase ga yô umbur bo ne nan ku

Mbahenev, hii mhen u bo Yesu venda er ve na ikpilaior; kwaghyan, ve na kwaghyan ne yange a neer akese imôngo je, shi ve venda er vea kar, gbenda u, zan zegegar u Samaria ga kpa Ter Yesu a kar u, kwase Samaria yan gema ishima yila ior, ve zua a myom ye

Yehova, lu a Oryiman Yesu, môm kpa tange je ga, A va yem se sha ikyev i orihom diabolo ye, u eren bo yô se mba yilan,Yehova ibumegh

Se de bo u eren, kpaa kwagh, u se lu a min cii un a yina se ga, shi Aôndo Un a va na se, kwar u uma u tsorôn