Terem Aôndo m nenge agee Ou, Aba Ter U tese a hen mo, igbinda You Terem m fa ze, Cighan Jijingi A suwem, me wuese ityom You.
Aye, Terem Aba, Ter Tor u tsôron, U tesem mhembe Wou m nenge Tor, ahii m ngu zamber de gbe ica a mo ze sarem u civir We hanma ian, kpa iyol i nyam man awambe ngi a tahav ga.
Mimi je Tor,Ter er zegetar ne cii, man miv u u ka Un a ne ye, kwagh u A samber ka an nan a cihi a hule un, u A hule yô ka an a naregh, U kuma iwuese Ter ka sha ityom You
Mfa shie u Ter na ian, ngôm, jilem, ken uya ze, shin mmar wam a ivesen cii Ter Tor m fa ze hegen U kuram m nyôr, sha iyolibeen ne Ter, heela tseegh ga shi U nam m fa Yesu Tor, Cighan Jijingi hemen mo, me mem u sughun Terem Aba sha won ga
Ka We u erem ye Tor Terem, U nam akaa a doon ken tar ne kpishi, U nam nom u doon, U nam mbayev, kpa nenge Terem m lu or, yô m kera fa ayange a U ne se ken tar ne ga, ica igba ga yô mbayev ngule yemen nomom kpa yem, m tema viing huan mo kpishi ka i lum er, ka zende ve ze, shin vea hide yô, kpa mayange mhidi ve ngu sha won ga
Ka We U erem ye Tor Terem, U nam akaa a doon ken tar ne kpishi U nam mbamaren, U nam kwase, kpa nenge Terem m lu or yô, m kera fa ayange a U ne se ken tar ne ga ica i gba ga yô mbamaren ve yem, kwase kpa yem, m tema viing huan mo kpishi ka i lum er, ka zende ve ze shin vea hide yô, kpa mayange mhidi ve ngu sha won ga
Tsô Jijingi u Ter kaa er mo mnenge nom u doon man mbamaren, a kwase u doon mbayev, ahuraior ka iyuhanev mbi, tar ne tseegh mbi lun gbem ga, mba er, mule u kon hen shie u oo ka u a ta u, u mem heregh yô ka i lu u pe alu a we gbem, kpa lun gbem ga, u a lun gbem yô ka Ter Aôndo Ter u tsôron
Kanyi u tese ave a min we ka kwagh u er ken tar ne jimi u er kwagh môm-môm zeoo! Hanma kwagh ka u Aôndo or ngu a makwagh ga
Anmgbinaev, tar ne cii ka u Aôndo akaa a ker cii ka a Na, se tema se wa ave ikyum se kusu ijô, u kenger a kenger, ityom i Uhemban cii A lu eren ne