Tsô ugen, a yila ugen akaa er, Icighan Icighan Icighan kape,Tor wase A lu ne, tar cica u iv a iengem, Na amagh a ikpande ihinda la, tenger sha myila la iyou la i ngbough a mnyim ker

Kwagh tserem hegen, m saa veoo, zwa wam hôngor, m teman hen atô u, mba ve hôngor ijô, ashe am a nenge a Tor u Akum a Sha pe kaa la

Shi ugen ken, Userafim la purugh, a va hen mo tsô a kôr a kôr ikausu i enger sha uwe, va bendem i sha zwa a kaa a mo je er nenge, i ngin bende u, sha ityumbuzwaa ve i tôô, ibo you kera, man shi i de u, isholibo you nyian, ne ve i, de u ivindi vindi

Tsô m ungwa imo i Tor u Uma lu kaan er, ka ana Me tindi di nan, nan a za sha ci Wase jim ase, tsô m kaa mer Terem mo ne tindim, mo me er U tom

Mo kpa ABA, U yilam, hegen sha tom Wou, kpa zwa wam hôngor, m teman hen atô u mba ve hôngor ijô, kpaa Terem er U va yerem hegen ne, m fa U wanger mo, na ikyausu You la, i bendem sha zwa i hia asorabo, am m hingir wang, m lu wang m kuma sha tom u,Ter U yerem ne

U yilam, ka sha u yôôn ivangeli You, er akuraior, a ungwa man vea civir, We ye Ter u Uma, kpa anger idya ngi num a mo, msôrom man, ijimba kua iwuhe, iwoo-or mpav, aie kua shi, ihom i kôron, nam agee ken jijingi, er me cia kwagh, ga me tile dôung, m yôô, iti You ken tar ne gbem tar u ungwa cica

U yila ikpilaior mbagenev kpishi kpaa, mba eren We tom, ve vese ga mba di kpeghee,Yawe Ter u Uma, uhuambaiorov, ngee ken Nongo u Kristu ma-ilu-mo nyôr, tema ngu ken atô mbela mbahemen je kpa, kaha di zeoo, Apolion u wa ve tom mba eren,Tor wanger ve, er Paulu yô ve er U tom, injar ngi keghen ve sha

M va ve Tor Utsôron, Ter Aôndo m va a zamber wanger mo, m lu wang gar Wou la a sarem sha u nyôron

Wanger se cii se kuma sha tom Wou, er se va zua injar, sha tar usha, sha mhir Wou yô, ior mba U wanger ve ga yô, ve mba a injar, sha tar utsôron ga