Tavaku 2014
No. 2351
8 Avur · Rev. Maseshin Dzungwe · NKST IORDYE KELASE U GARAGBOGHOL
Mnder

Ankpan ngu sha jime inyinya, hoghoum hoghoum yô de lanema! Kpan ye ican man ka nyi, ne ve alu sha inyinya? yô se ungwa nen cica.

Mrumun

Kpan yô gbem ye ican man kanyi, i ne ve alu sha inyinya, ônov jim jim de mba yan ican, zenden angahar ka zayol, kwagh zayol keng keng.

Ivur 1

Pe ilu la, yange tor Solomon nenge, tar ne u tsume, lu kwagh u ma alu ga la a lu ye, tsô Solomon, man ôr kwagh u kpan ne lu inja kwagh sha ci u tesen er hanma, vegher yô a sôr inja na

×2
Ivur 2

Solomon, iyange ôr kwagh ne lu mimi, nenge iferor, norom zan zan mba va ungwan, un hemba or u mimi vihi kpishi nenge or ngu alu, nzughul kwagh lahan a laha ior gbem i fa cica, kpa inyaregh ki a due nan, hingir or u dedoo sha ci u inyar la, man tar u a vihi gbeme, kwagh u ma atem ga maa kar tema

×2
Ivur 3

Gometi, ngu a tindi er i er kwagh, i lu kwagh u doon u un a lu gbem, kpa er nan ve ka i bunde? Nenge mba a a er je kpa, shie gen yô i lu, i lu kwagh u doon ga la i er ye, i fa ônov mba a tindi, vea er kwagh a lu kwagh jim jim kpa i soo ga, nenge mba eren kwagh ban kpee ga

×2
Ivur 4

Ka mbera mba, ve gbe ican ken tar ne ma ve we hua sha inyar ye, man gema mba a teren or, er nan ya inyaregh yô ka or u kwagh a ban nan ga, nenge mba tôndon ior inyaregh kpa ve ngee gande, hii ken ubam mba se haan ken uya la, man samber ken tar ne cii, ker kwagh sha mimi mimi, Tor Yehova nengen

×2
Ivur 5

Mba wuan se, er inyamtoho man shi mba nanden, se i nande beer kpa ka ve, sha aci u ishima ve ngi usu, usu usu coco, shi se nenge, zege ican ngi i tser ior, kenghen kpa alu, iwasen a za va yô, amba ne, aza ngbegha ior sha a ngohol cica, ieren ne vihi je kpa, ve ve tema sha anyinya mba eren anza ne a vese, yô umbur, wea lu a tahav hegen kpa, tahav mbu gbem gbem yô ka mbu Yesu

×2
Ivur 6

Mliam ger, hanma vegher ken tar ne, sha aci u mba sha anyinya ngee, ngee gande man mba vihin a vihi kwagh hanma shie, kighir mimi la sha ci u anzughul a ya tor, ken mbadodon kpa ve va nyôr man ican tema mbamimi tôô ican, man ikpan ngi zenden sha anyinya ku Tere! Ônov jim jim de mba zenden shin inya

×2
Ivur 7

Mba ve lu mbadondon, mba mimi yô ican a er, ican a er se kpa se wa ishima, ican gbem i ne tor, ikav yô ka Yosev ken Igipiti, man Lasaru, yem za tema sha ikum i Abraham ngu ember yagh yagh

×2
Ivur 8

Gema nen asema man se na Yesu,Ter jighjigh kwagh a za sha inja sha inja, man alu nahan je ga kpa,Yesu ngu hiden keng, wan jim jim alu sha inyinya, ankpanaoo! Ankpan u hungwa shin inya

×2
Oricam
Rev. Maseshin Dzungwe