Atumba a bua dumbur iyough kua atam a ikon kpa ngee ken Kanaan kpaa ior mba ker ve hemba se indi.
Ka ior mba atavenegh, ka ior mba gban akôr ônov mba Anaki, se se mba ve er ka mbaahungwa yô.
Yan ilu Mose lu tindi mbamkerev ken tar u Kanaan ye, er mba hinden yô ve ta ior mciem iyol nahan ye
Ior ungwa ger mliam a Mose ve gba vaan, tsô ve kaa nahan er guda ve u hiden ken Igipiti cica ve hungur a Ter Aôndo, kpa Yosua kua Kalebu zamber a ikpilaior ye, ve de cian ga Tere Aôndo ngu her Un a wase ve
Kpa ior, ne ve tôô awen er vea ta, Kalebu kua shi Yosua keng ka han pe or nan lu ken ve u nôngon a Mbakanaan jimi? Ve hungur a Ter Aôndo, tsô Ter ungwan yô ishima i usa Ter tsaha ve A tim ve sha gbenda A undu lu Yosua man, Kalebu kua shi mbayev ve za tar la ye
Hen avese kpa shi kape ilu je la i gande, mba mimbishi atô kposo-kposo man atsan a tseren se kpa ngee, iangev man ibanave ngi num a vese, ka ônov mba Anaki shi kua akôraior je la, se de u kenger sha Yesu, se hide se mbayemen tar u Igipiti
Tar u Igipiti, yô ka tien man igba kua ishor, akombo shi kua iv cii, u timbir ashe yô u za ken kanaan u Ter Aôndo aser ga
M ngu zamber uumace er Kalebu kua shi Yosua zamber a ikpilaior la, iwasen yase ka hen Ter Yesu ia va ye, A hemba ônov mba Anaki shi kua akôraior, sha ku u sha teran, yô se penda ashe sha Na vese nyôr tar u Kanaan ye
Kenger Oryiman Ter Yesu, ka sha Na se suur ve se hemba Satan se nyôr tar Na ye