Ku! Ku! Ayoo! Kpe! Ahii! Ayuu! Kwagh tser se ken tar ne, mliam kua kwelegh, ger kyuu! Hanma vegher yô kpeman ato gande

Uumace hingir, hegen zelôô ior mba fan ape zan ga, ior ule hegen doo ga aye Ter Aôndo wam, hingir viing Ter vishigh akpa kôr hanma or

Akpa ne kôr se hegen, se hingir jiilii ior, mbafan Ter ga kpa ahengen yô ve fa, uumace, mba zenden a mciem yol, gadia se mba ungwan ubom mba bughur, hanma jiir mliam ma hingir gedee se mba shi ungwan, ikyu man iangev man, ibanave zenda icheen hegen hen uuma sha uwuu, mbaatsanev yô ve hungur a uma

Anmgbianev ahoo! Alu A gbidye se yô or a de hunan ga, kwagh ngu eren je kape Ter A wa shima hana, ka kwagh u cieriyol, uuma gema kôron di ior mbagenev, za yeren er ka ilev ingin di va hana? se mba eren akaa a seer iyugh, ahii anmgbianev, Ter vihi shigh sha ve

Uumace nguzhul inja, mba a kôôm, sha zwa i nyôr ga er i gbidye keng, Ter Aôndo tôô kwagir ve, A visigh akpa Na ne A gbidye utor, kua mbainyarev man ashagbaior kpa ve ule

Aôndo Tere, ayuu akpa ne nyion gba ken shima ve, ijen i ken Samaria la tser tar, kpei ahii! Icanor kua kwasekyoson ka We u wase ve ye, sha aci u ican ne hemba sha ve Ter Aôndo, igbôndo, i ityough, ki jaki kpa, hingir zegekwagh, or ye umbur ve ken jime ga hingir humeen ken shima or ngu a agee ze

Sha mngee u jimba yase man, ibinga i hegen seer sha tindi u peren, man shi ipila mbagen nyôr hôngor kua shi idya, tsô akpa u tsahan tar nyôr ngu tsahan, je kpa er i hoghoul se aa ifer yô, er i gbidi se kpa se umbur ga, er se norom heregh a ifer yô, iyugh di kpa ngi norom, yeghen her byugh byugh

Ka gbiliin se lu vaan, ye alu, sea, ande akondo, a iyolough cii kpa, iyugh i Ter a lu her gbem, se de afer Aôndo Un a zungwe se ye

Kpei! Ahii! Ior kende imo i Ter iyugh i Ter wase ngi gbe yeghen, tindi u peren va se a ican ve ahii! Ter Aôndo-oo! Sha ci u Yesu gba zungwen se tsô