Aôndo ityom ne mimi i kuma u se na ishughun, ityom ne tsume i kpiligh iyol Terem m ôron ye.
U er Usha U kua tar, U gba avande shi kua iwo ken tar ne, tsumem pe, i we iusu ken iwo ne ve ngi tôngon mnyim tuu tsum tsum duen a due keregh kôr, kôr mo kwagh ne tsumem an nan a kende uwegh a na mpase u, akaa ne me lu gir gir?
Alefa, Omega, Uhiihii man shi, Umaseityô kape u pase Yohane, iyol you ken chile i Patimo Tor Ter ka We U gba ve ye, man Akum, a Sha kpa U gba a, kua mbatyomov Alefa, Omega, U kuma u sughun
Akum a shin, Ter U gba, Ifa shi kua Adam shi U gba, iwanger man ime mngerem, shi U gba, inyamikyume man akaa a kpelainya, er Iyô Shondoikye kua Asôhô cica, Uhum Ayese, mba purugh inyon inja er Gafa taregh-nyaagh ngu a ikighir keng ga, sha mimi U ngu Omega jim jim,Yaweh oo, ityom ne i kuma iwuese
Kunda iyol yange ngi imôm, or a pasem er ka i er man ka i due pepe aikighe i mire, yô ka han, ka i mire jimi? Mo yô ka m ver ashe sha kwav-aôndo me nenge er, i lu hiden, kpa shi ka m nenge a mi ga, kpa kpernan i due pepe
Shi U gba, toho u genegh, toho ne tsumem, gba-aôndo, ngu a tine je ga, ior cii ker gba-aôndo, ve nôngo gbem kpa ve zua a tine na ga
Shi U er, tar Usha tile zan zan, nyian u kaha ga Yaweh kape, i lu man, Anema a fe u kuhwan wan-kwen civir We yum ne Tere shi shie u, mbainyon mba a zua yô ityô yam, Avungu a gba kuhwan, gbande sha won Atsegh a lu tsôrough, kakaki yô Ishôhô fa u tôngon gaakaka, Inyon-uwagh fa u tôngon imar jim jim Ter U ya gande, Igo tôngon korough uuuh,Yehova Ter U hemba ve, ve wuese ye
Shi se nenge, Torishuwa Ter wase A er Ayagaishuwa fa amar sha shima yam kpe ahii, ka un a ngure yagher, kasev nav ka ve ger, awer sha u wuese, er orya ve a hembe amar Tor Ugbem, icivir ka i You, Avange ngu rumun, kpegher sha ityo er U kuma Tor
Hegen ne m kav er Yehova A hemba yô Ter me er, ikyenge i sha icam zan zan je tar u ungwa cica.