Ter Aôndo ka We Ter U kuran mo ye, me hii, shie u i jirem ken uya U lu kuran mo m-mar, wam kpa ilu sha ikyev i ior mba yôugh yôugh ga kpa Aôndo, U kuram, m due m lu iyol di er, tativ mba lun a kwagh-ave ka ve mar yô, mkor Wou u sha a mo nam u, suur sha We, Ter ka sha We me penda ashe ye

M lu wam iyev la, yange mfa nyi jimi? Tor wam We U lu kuran mo shi koson mo, U na atumba a ngôm lu koson mo mi yange mfa ijen ga, m vese sha mkor Wou, Ter i saan mo iyol ve m ember ye

Er m gande iyol ne kpa,Terem U kendem ga cii,Ter U kuran mo, shi U wasen mo hanma shie, kwagh ngu a tserem, U cir iyol sha mi Tor u gbem, ka alu inja er mo a ya wam se mase nahan, an-mwe u a shi her se ya se kpe yô Ter ka u sôr se, kwagh ngu a gbam u me za kule sha inyar, Ter ka We ka U nam ye, akondo am a iyolugh Ter U ngu huan mo, ka nyi jim ia na me de u kenger sha We sha wono?

Ka nyi kwagh jim jim ve me yem u zungwen pe me za wa ityough er mngu, a Tor u Uma ga, Oryiman Yesu va aci wam A va tôô ican, tôô ibo yam sha Ter samber, A samber ave, A kura zayol av cii A za mande sha kon, zayol mba ve lu ningir cii vea kôrcio, u hemban mo ga, u taver la Ter A nôngo iyol Na

Yesu nôngon i tyav aci wam keke Ter yange lu nôngo, shien u mbaihomov kôrom, yem a mo ken ikyôngo, hen ape ve fe er mo me war ga yô, ve kangem, ashe shi ve kangem ave ve gbihi shin ihungwa, i lu inja er me war ga yô, ve kase a ityumugh mbi tswamev er ve yisa, ma inyamikyume tsô ve gba ember, je ve ndera ger, ve ta ger a iember je ve yôô akpishaikpa ve sôugh, mbaaôndo vev, er mo i yam kure, ityô yam, Ter sen u yiman mo or, za gbenda u anmgbian ga A dughum, ken atô ve ve tile tumbuluu

Mo mngu a agee, u nôngon iyongo iyol yam ga Ter kaa, er, ityav, ka mbi Nav, man, iyev i, oron cii ka i Na, or u hiin mo ngu hiin Tor, or u bamen mo ngu bamen Ter, or u kighir mo nyi ityôkwagh, iyol la ka Tor u Uma jim nan lu kighir ye, Terem Un a nôngo, iyongo iyol Na sha u kuran mo, shima yam, suur sha Tor Ugbem

Anmgbianev, mo mkav mdoom ma Utsôron, va nen va se dondo nen Yesu, Oryiman wase a jighijigh, alu ityav, suur sha Tor ugbem, alu ibanave yila Yesu Tor, kwagh u tseren se Ter A wase, ngise lu wase Davidi wua Goliati u a lu suur, sha iwange na kua shi indi na, Davidi u a suur sha Ter yô, Ter wase un a hemba ityav, Davidi kur a iember

Ve se penda ishigh, sha Oryiman wase Yesu, ken ican, kpa se lu a Na, shin Un a penda se ken iember yô se hemba sughun, suur sha Ter Aôndo tseegh, ka Un A kor se shi A koson se u umace sha won