Orshishima za, shiôr kwase ve, Or u shin, shima za ye vea a kar ana di yô, ior mba wan akaa lu ana, ityô kpur kpur, ve yila un idyu, er a de pinen isheer ruam ga a den, kombur iyue ga ci u vea va hee, orshinshima rumun cica.
Orshinshima za nyôr, ngôkem sôngo ikyegh yô man idyu num, orshinshima kera kura atindi ga, mba wan akaa ngure, nyion asema je, ior mba wan akaa undu un yem.
A ta ichia er ka alu atyever, man gbodi kpa ka u me ide ruam, kwase a kunde atuur kpa me shi me ngure kombur, man a za chagh ashwe kpa m tswer ga, i va woo ikyegh ne yô idyu num, kwagh gande, ngôkem a woo ikyegh je yô ahoo
Puun kasev iwer ga yô wan ne a lu a ikyande ga, shima na mem kpishi je lu yan kehen, ityô yam, injakwagh ne, ngi tesen, uumace er, se lu yôugh yôugh kpa se wuese, se a kungu ican kpa se lu wuese oo, a lu angev je mbu a va, se a gba iwan kpa se puu Aôndo iwer ga
Se ungwa, yô Yobu kpa wuese, Ter ken ican, shi Davidi kua shi Hana ve wuese yô lu iember, ityô yam ityom i Ter Aôndo ka kwagh u puun ga, je yô gema bee er lu me mar wan, yô me na iti mer Gbaawuese, Utsôrun yô, i gbaa wuese Utsôron, ii gbaa wuese, Tor wase hanma shie
Mbagenev jim yô, mba nengen er saa a lu inyam, man ve a ide ruam, tsô mbagenev yô shi ve mar di ma wan ga, gema mbagenev yô mba ve suur sha ve ve kpe cica, anmbayev vev tim, mô u a tindi je kpa ngu ga, ican i ikyondo kpa i zôhô ior, mbagenev ule mba kera wuese ga m tômon shima i anbimaor, ma i nem shima i anbimaor, er me ya ayue cii me kehe me lu dindimiin
Shima i hangen ayue ga nenge yô i lun a ikyande ga, yô ityô yam hanma iyue, i Ter Aôndo A ne se cii, kpaa se yaan a iember, se mba er inyatyuu yô, gema inyatyuu yô ngi vende kwagh ga, or u maan ityegh a tôô inyatyuu a maa, antumgbande, sha u ôôn ave a iligh a min je, shi inya shon imôm or u maan ityegh a tôô, un a maa ishawa, a lu kwagh u man mngerem a min ka kwagh u a soo yô, kwagh u civirigh man kwagh u lun a civir ga cii, kpa Ter yô ver ve sha tange
Lu se a, za di suwa ve se a wua indyar ga kpa se gese ave, mbaagbum kpaa se sange agbum, se nur igyundu je se hiden a iember, se va nyôr ken ya se jiidi inyam-agbum, tsô se gba yan a iember
Se tswer nyi?, se se twer yiav ga cii, a lu ipungwa mba kôugh, je ve i ne se, kpa se ngura se bende anger, tsô shi se ver ashe, sha Tor Ugbem je se keghen Ter,Tiv ôr inja kwagh er, or u ikyoo tsweren ma yiav ga
Mo yô m ngu uma tseegh, kpaa kumam ka u me zer wuese iti You, man shi u fan Yesu, je yô hingir ikyegh je Ter Aôndo A woo, me kombur iyue akar a am a soo ga yô a undum, ikyegh ne i nyohom gande, m mase lian ken ikyôn m hemben kuhe
Me yila U ati imôngo kpa a kuman ga ieren i Ter ka i kpeghee ga ati Ou yô ka GANDEPUUN We u ngu KUMAWUESE iti You er FAEREN U samber akper U kase se cica cii je U ngu paregh se a angev, shi kua aaikyor kwagh gande nahan se mase sughun We se yila ser GANDECHIHI
Se wuese We sha won atsam atsam sha u kwen man adiguve kua mbaakacha