Er ngise, lu sha ayange a Mbaiserael, nahan Tor u Uma yan kaa, or u a gbe imande ve dugh fese je ve ver shin hua

Orimande luun imôngo a ikpilaior hen ape ve kohol ga, saa nan lu ken akôngo ica, nan za ikyua a ikpilaior, mayange hen pe kohol ga

U yangen m-samber u imande la yô man i za ver u, shin akôngo saa imande a va bee, a wanger we cii ve u due sha tembe ye

Anmgbianev, imande yam ka u peren tindi m er isholibo yô i kôôm, mo m kera nyôr sha nongo a mbadondon ga, i kendem shin akôngo paleghaa

Ka an wam shin tar u ngun je nan lu a tahav, u nan a sôromo? Imande chirim iyol or nan a sôrom yô m jinge m tser a mô sha won ga

M gba m hingir, ior inja er ka orkpen, man akar am je kpa hungur mo, m ngu ve inja er bebajôndo je m kera gba kwagh ga, m ngu ken ityumbe, or u sôron mo môm ngu ga tsô man m hingir u lun tswen shin hua

Anmgbianev sha won, kpishi mba a imande iyol or ngu u nan a va sôr ve ga,Tor utsôron se mba yilan, va sôr se cii imande ne vihi angev

M ngu sônon, Tor u zungwen mhôônom mer a yimam A ungwam msen, iember ngbough ken ishima yam, me hide a ishughun hen Ter Aôndo ken tempel, a ishughun i sughun iti Na

Aôndo Terem U zungwem, U beem imande ken Yesu injar i nan yô m ngu a min ga, ka ishughun ngohol ishughun yam ne

Ter wase zungwe se yô A bee se imande ken Yesu man injar i nan yô se zua a min ga, ka ishughun ngohol ishughun yase ne