Ter Aôndo wase fa akaa cii, eren kwagh sha er A soo hen or yô, shien u, mdue u wan ken iyav mbu ngô kpa Tor lan je ga, man ian i un a vese man, un a hide sha u za kohol Un A fa i cica, er A ver u ken tar ne je kpa Tor lan sha won ga

Uzaiyol, mba ve kohol se ken tar ne Ter fa ve cica, hanma ian cii ka Tor u Uma A er ye gba teman viing tsô na Ter ian, ker ishima i surun hen Yehova Aôndo sha u sônon de gbe wer a msen ga, mba ve lu viing sônon Aôndo mimi ka A ungwa keng keng

Kwagh ngun nam u umbur yange i Ter Aôndo due, a Mbaisereael ken tar u Igipiti, u yemen tar u Kanaan la, Farao wa ikyumiutya kpishi lu zendan van, ken ijime gudugudu, ken hemen mngerem yisa gbenda bee, hen ape yevese zan tsô lu ga, ve num ayôôso a Mose oo vaan a vaa, afanyô er ve dugh ken tar u Igipiti, shien ngun tsô Ter bugh zwa ga, ka er Mose yange va yange ior ne ve mem, huan viing Mose sôn Ter, ve tese gbenda ye, lu u paven mngerem ve hungwa akev akev ve per MbaIgipiti saa shin mnger, ka er, ve huan viing ne ve kav agee a Ugbantar ye

Ken Shushan ape yange ikyaa lu tser, Mbayuda ve lu a gbenda ga ve tema viing ve gule sônon, gbem hen Ter u Uma, Aôndo zungwe ve ker na ve mhembe sha ikyev i Eseter

Mbadondon, kwagh u hemban Ter Aôndo u Un a sôr ngu ga, tema viing tôô zaiyol wou na Ter, pase kwagh u a tser u la ken msen, A fa er i lu u, Ter A yange kwagh la u hemba ye, kwagh u tseren se môm a faityô u hemban Utsôron ga

Mo aniyagh a or ga ne, kwagh hembam m ngu nyi ken tar ne, kpa Ter nenge zaiyol tôô num a mo man m ngu a ma gbenda u genegh mape ga, orihom sôr war a mo Ter ngu di kighir mo u m de eren sha shima You ga, man Yesu ka mo tswen ga Aba Tor, gandem m vaa m yila U ve, Oryiman mo yô ka We,Wea kaa wer m saa er i lum, ka ana a yange he, Ter Aôndo ka ishima You, lu ngôm a undum shin a lu u ningir a mo ken kunya na, kpa mo yô m rumun, wea kaa wer m saa, u kperan a kpera er mlu ka tom Wou,Ter Aôndo aoo m ver ashe We, kwagh a hembam je ga

Zan yam hen Aba Tere, Oryiman Yesu m har ashe We me vôr je ga, Ter nam agee a yan U hemba ican ken tar ne Aba Tor, er mo kpa me hemba yô, kpa a lu, iyongo yam keng yô Terem m rumum, i lu sha er U soo yô

Zan yase hen Aba Tere, Oryiman Yesu se har ashe We se vôr je ga, Ter na se agee a yan U hemba ican ken tar ne Aba Ter, er se kpaa se hemba yô, kpaa a lu, iyongo yase keng yô Ter se rumun, i lu sha er U soo yô

Ter wase man U kegh ato a vese u ungwan, mbamsen mba se lu sônon, zungwe mba ve lu viing vaan mliam a We, pande se aan a yan ican, shi na se iveren You, a lu ken tar ne ga kpa man ilu sha ya u tsôron