Aôndo fa, ieren i se eren yô, ior mbagenev ken Kristu m lu ve keregh, ka sha isharen i kwaghyan, mkpeiyol, inyaregh, icivir, gwa shi u za ve er, ve lu hemen ken tom u Ter yô, kwagh u tom la jim hange ve kenge ga

Ungwa nen, yange Yuda lu vea Ter Yesu, er kwase ugen va haa Ter Yesu mkulen iyol yô a zôhô kpishi, er nan a ne ma er i tee ga

I lu sha u wasen sha tom u Ter ga, lu mkpeiyol na a ker ye, sha ci u tilin, ikpainyar yô, Yesu fa, shima i Yuda puu, imo na la kpaa Yuda cighir, ishima gbem je tee Yesu Ter jim jim, mkur na yange sende iyol na

Iti i Yuda, ior mbagenev ve soo i ga, kpa aeren na doo ior, u wan kwaghbo ken shima a anmgbianev la, u keren mtsera sha kwagh u, i kohol sha tom u Kristu, ior mbagenev too iti i Kristu ve yisa, ior ishigh amin mbayan mtsera, vea gema ga yô, ka Yuda shon tsô

Ieren i or, sha tom u Ter ngi lu myer ga, lu Ishagbakwase u Shunem, er shiada sha Elisha er ka or u Aôndo, ayange ne mbagen ieren ve tese or Aôndo pe gen ga, saa hen pe i fe ve la tseegh

Yô, fan nen, kwagh u myer ngu hen Aôndo u Uma ga ityô yam, Ter wase nengen ken ime, shin iv, ken asema cii, mba ve lu ken Nongo u Kristu inja er awaar nungwa sha ishwa, u tamen i lu fanityô ga, ican i lu nyôron, ayôôso a lu ngeen la, fa nen er yange Akan ii ikyondo man zanaria za yer, or môm nan fa ga je kpa, Un Tor u uma yô fa A na shi tim ve

Tom u, se eren ne ka korough, se lu tôngon ye, injar ngi sha min vese, se tôngo hughulu or a kav ga, ku a wua nan a lu ibo yase, tôngo nen wang, mba ve ongo kpa ve cighir asema, ka ibo ve, se Ter Un a kimbi se injar i iember i sha ya u tsôron la

Er se se fe er Tor u Uma A fe akaa a ken myer cica yô, se paregh nen a bo la ityô yam, Tor u uma Ter Un a kimbi se injar i engem ia bee sha won ga