Mimi U kpen ibo i se uumace yô Yehova Aôndo U tim se iyange tsô kpaa ia kôndo ga tsô kwagh wase a bee shin tar ne

Aôndo yan U kaa, wer alu tyav U va tim, se uuma shin tar ne a min ga, yan ilu angev shin sha ijen ga Tor, yan ilu ijirôron U va ôr, ijir U na na se ibo, sha aeren a ase ye

Kpa nengen yô ityav nôngo hegen wua, se uuma kpuunuu bee alu mtim ne, Aba Tor u tsôron, hingir, gengee ken tar ne, ior mbagenev mba yevese, pe vea mem kpa mba kera fan ga ka or yevese gbuuka ijen ngi num a nan, mbagen i sôngo sha akomagbinda, mbagenev, iangev kôr ve, ve hingir jighili je mba fan, pe vea za men ga

Ter nenge kwagh u a tser se ken tar ne nenge uumace ule se hingir jighili, anomior mough hegen ka kwagh u, or a yav ken bem ga, ior mba eren se ican, gema mba seer a seer gbem

Aôndo akaa maa sha vese ken tar ne je Tor, ape yevese zan se fa ga, Satan ngu ndughluu er un a bunde se tartor, je pe se kohol, u yilan sha iti i We Ter la kpa ka nôngon, u se kera faityô ga, i nande, ayou a We Ter Aôndo nga zan u been

Aôndo yô se va sha ishigh You den naan se sha ikyev i mbaihomov ga, ngise Davidi yange a er kwaghbo kpa va gule sha ikyum i Ter je, se a er, ifer ifer yase ia kuma mtsaha yô tsaha se iyol You se venda mtsaha ze Tor Ugbem, yô shi zungwe se sha er se faityô u yan dyako u tsôron yô

Ter Aôndo Tor u tsôron, Ter u zungwe se ga yô se tim cii, oruma môm a war je ga, Jijingi Wou a suwe se Jijingi u Yesu Un a va wase se ve se war ican la ye

Icighan Jijingi u Ter zungwe se, er se war ican, se nyôr tar Wou Ter Aôndo se tseegh se yina u hemban ican i tar ne