Wan yam, shima hen ihongo i Tor u Uma U lu ningir a mo ken taaikôngo Terem, m na jighjigh me nyôr Kanaan keng.
Na Cighan Jijingi Wou A va suwem ve me wa, shima me vôr ken taaikôngo ga me nyôr Kanaan, ape me zua a mmem u gbem.
M ta ashe m nenge a Kanaan ka tar u mo me nyôr, ve me mem kpa, u me nyôr yô ka lun mo icanoo, tsô m gbe ninigir ken taaikôngo
Huan mo, iyol ving tsô m ngure pinen, man zende ne u wa inja nena? Ve m nyer ken tar u mmem ga tsô m gbe ningir ken taaikôngo
Tsô Jijingi pasem er, Aôndo soo u m fa Un, ka nahan A lu ningir, a mo ken taaikôngo ape akaa a tseren a nan mciem, kpishi a ngee, taaikôngo ne ka u ken jijingi icanor, shagbaor, ucighanmbaior cii, saa Ter A ningir a we ker, U tesen se mhembe Na man se kav agee a Na, ican man ameen, ikaren i taver, i ve hen a vese cii anmgbianev ka taaikôngo
Ngise due a ônov, Nav ken tar u Igipiti sha ikasewe u taver, u yemen, Kanaan man Igipiti a Kanaan gba ica ga kpa hide shi, lu ningir a ve ken taaikôngo u ve kav Un Ter uuma, mba nyiman agee a Ter tim ken desereti cica, saa Yosua vea Kalebu, man kov u kiriki ve nyôr tar u Kanaan ye
Ngise tindi Wan Na Ter Yesu er A va na myom kpa, yan yem a Na, ken taaikôngo Satan lu mee Un kpa a faityô ga, er A kav agee a Ter Aôndo yô A taver ishima kule tom Na, taaikôngo ne ka pe, Ter Alu wan ônov Nav ago iyol, shi ka ker kpa, Un a pase mba ve kav agee Na, awashima Na man akaa ken myer, pe lu pase,Yohane ken ichile i Patimo la
Cii man, se nyôr Kaanan sha tar u Ter Yesu, jighijigh u nan wase Ter Un a kar un, ken taaikôngo, yô lu jighjigh rumun ican aheen, venda icivir, i keren hua u inyar, msôrom ma hunden, ka ahongo a bo a Satan a tim, u kav agee a Ter u paregh a, mba ve kav ga ka timin, ken desereti piliaa
Aôndo yem, a tar ne haa ken taaikôngo ka, ityav se yevese shin ka, atsan kua iangev se toghor, gande ior mbagenev kende Ter ve nômbo ikyôr, yô umbur kwagh, u lu tser Iserael mba ve lu nômbo ikyôr, hide nenoo Ter ngu kaan er, M va a ven ken taaikôngo mer se hen kwagh imôngo, ishima i de yinan ne ga, awashima Wam a tar ne yô ka u vihin ga
Na se kav agee Ou na se shima i wan sha er hanma ikyaren man ican i ve hen vese se tile dôung, Aôndo Tor u Uma, se fa hegen wang se taaikôngo ka jiir i tsaase se rumun, shi se na U ian, tsaase se Tor Ugbem er se via se kôndo tar Wou