Bo u wan, ka kwagh u doon ga Ter Aôndo wase tese se, bo u wan, mayange ga Ter tese ga, er se fe akaa cica cii ka a Ter Aôndo Tor, kpaa nan se nyumen se makwagh ga

Uma u a lu ken vese ne ka Ter A ne se ye, shi A na se uma u tsôron, ken wan Na Yesu, ne se ura ve ka se lôô iyiav se zua, a kwaghyan ye, shi ne se inyaregh, A na se akaa ngee dumbur, man nan se gohon se ashe ga

Mye u yan kwagh, nan or, mayange ga la ka Ter wase A tese se je ga, ne mba-wanbo m ngu pinen ne mer, ka an nan lu ter wen jimi? Gayô wan ka a bee ter, ne yô ne bee ana? Ka Ter wase Yehova ne bee ga

Shie u ijen i ker or yô nenge, mhen u nan ngu alu vough ga shima i nyion kpa ka ilu ken nan hen shie ne, orijen ka a nyion shima u venda, u nan nan, kwaghyan wou yô, anmgbian u kpela i ve, hen nan yô u kuma ku, u kuma kuoo! Kanyi jim, shi u lu her uma jimi?

M er aie ga, i lu Davidi tesem kwagh ne sha kwagh u Nabal m ôron ye, ka er kwase u Nabal, yange er, fefa na Davidi kwaghyan cir zamber, ga yô Nabal yange ma, kpe ku ishôm a tsombor na

Inja-kwagh i, Yesu ôr la kpaa shi tese, orinyar la yan wa bo, naan, Lasaru kwaghyan ga nahan a kule nena? Bo na la nyôr a na, piilii ken ku u tsôron

Yô se Mbakristu se se lu mba wan bo ga er se pase loho u Aôndo, ior a ungwa, shi a gema asema yô sha ci u, or u a we bo ka nan a pasen loho kpa, mba ve fe nan, bo ve tôô ato ve sha, mba kaan, er a lu kwaghyan kpa, ma a yer a yer, ken iuv je ma a ye ye kwaghyan na kpaa ne or ga, ivangeli la ka i wase keng ga

Anmgbianev ahii! Shi ungwa nen kwagh ne, alu u nyume anmgbian kwaghyan ka Ter Yesu u nyumen, Un ye Yesu ôr er u er nahan hen u hemban gban jime la lu Mo, fa ka Yesu u er a Na nahan ye

Yô gema nen asema fefa, ne ior mba wan bo m ngu pasen ne gema nen asema, ga yô iyange i ijirigh la Yesu Oryiman, Ter A kaa er, Ijen ilu kôron Mo kpa ne nam kwaghyan ga, yem heen kera Mo mfa ne ga

Se gema nen asema fefa, se ior mba wan bo sha iyange la mô wase nan a nyôr ga sha ci u, Ter wase na tindi, man tindi u tamen la ka dooshima, or u a we bo yô ngu a dooshima ga