Yesu, Oryiman yan ta ikyenge A yila tar ne, hanma zwa kua, shi hanma nongoior, shi hanma ikyur, tar cica u va Un a wase ve, ior mba ve ve hen Ter Yesu, cii Yesu Ter Un a ngohol ve

Se nenge mba gban ayem ken tar ne yô ka ve ver ape vea hii, man ve vea kule yô, se mbadondon mba Yesu se mba yevese ayem ken Jijingi, ka iyol i nyam ga, shien u, we u ngohol Yesu yô fa we gesa wou hii, zan zan, iyange i u va kpe Ku! Ka zum la jim u kule ayem ye.

Paulu, tôô ikyav shien u mough u yemen, u zan ken gar u Damaseku, a za zua gbenda a Yesu, Ter Oryiman, kwagh u, yange wa ken shima u un a za nyôr, Damaseku, un a er la, Ter Yesu yan yange, kpa gema tindi un a tindi, er za pase iti Yam, ka ape Paulu yan hii, ayem, u zan hen ikyum i Ter ne

Paulu, gema ikyav mbi yange lu tôô, ker shin toho je ver a kar a dondo Yesu Oryiman ye, aci u, iti i Yesu, ihagh i tan yam ityoronshima kua, mdooashe, akaa cii me de a saam ishe, wea dondo Ter mimin yô, saa kwagh, a saa u u hingir, or uhe ve anmgbian u za sha gbenda ye

Mo m ngohol Yesu je a iember, mlu nôngon zan sha gbenda u Ter, shi mlu taveraa sha aeren a tar ne, isharen i idya man aie, mban lu ikyav mbi yange m tôô ne u yevese a ikyav sha ityo ne diabolo wam agbe, m wa sha min tsô m za gba, ior mba lu se lu zan imôngo mbagen kendem jime, kwaghbo kasem yisa tsô m hingir, a mliam ashe, vaan ken ikyôngo mtswen fiinii

Yesu, Oryiman ungwam kwelegh, er wan a vaan ken ikyôngo mtswen, ishima vihi Yesu jingir ityough, Tor sen, va kôrom A ôô iyol kera, wam sha ikyum, kumbur mo, shi wan mo kwagh, doo u yevese a ikyav sha ityo ga, de ikyav mbi saa sha ci Wam, penda ishigh, sha akaa a sha yemen hemen hemen u kule ayem ye

M nenge mbadondon, mbagenev kpishi mba yevese a ikyav hen we, ikyav sha ityo imbya ne yô vea tim, ka mba ember hen zum u kwagh a tser or, civir akombo, shi man msôrom, ior mbagen mba eren idya, ishimanyian a iwuhe, zenden anger ken ikyuior i Ter, we yô ikyav you ka nyi jimi? Gema takera anmgbian u za sha gbenda ye

Mbagenev ikyav vev yô ve fa cii ve bee or môm kpa va ikyua ga ve wuha ken Cighan Nongo doo gema ken asema yô Ter Yesu ngu ga, kwagh ne, va a ihom i kôron man ayôôso ken Cighan Nongo, or ngu, lamen a or dedoo, ishima i lu suen ityav we yô, ikyav you ka nyi jimi? Gema ta kera anmgbian u za nyôr sha ye

Timoteu er tom, u ivangeli ne ken mimi shi kule doo doo, ican yô ngee kpa kule vough ape Paulu yange a kaa la, mbadondon, atsan ngee je kpaa se umbur ka mhii jim, ve alu kwagh ga wea hii, a doo je kpa u kule a vihi, yô u tser a injar ga mbadondon taver nen asema, or môm, nan a de yen sha gbenda ga

Anmgbianev ayem nga a pughur vanger u yevese ken jijingi je kpa kwagh ne a kaha ga, wea nôngo gbev kpa yila Ter Yesu, wea tôô ikyav yô gema na orihom tôô ave sha, man u yevese a doo u ye, wea gba kpa kighir mough, shi gba ami yemen, zan zan tsô se kpa se za nyôr, ape Yesu A lu nan ior injar la