Iyange tor ugen, er zege-iniongo lôhô ior, ve va zua ken iniongo la kpishi ior yar iniongo la iv gbing gbing

Tsô tor mough lu zenden, ken iniongo na nengen, a za zua a orgen, ua wuhwa iyol, ilu i iniongo ga, tor pine un er ikyar, er nan u hough ikyondo i ken iniongo ga tsô tor, na zwa er i kange or shon, i gbihi ken won a kuma u un a lu keregh ga, mbatomov nav ve kange, ve kange or shon, ve gbihi ken won

Iniongo i Ter Aôndo A lu lôhôn ka i uma, iniongo i uma u tsôron sha, Tor u gbem A lu lôhôn se umace a hegen ye, or u nan hough ikyondo i iniongo, ka or u Ter Aôndo A rumun je la

Iniongo la, Bibilo pase se iengem na, ican man jen, mkine ngu ga, ku ngu ker ga ka iember, or u nan hough ikyondo i iniongo jighjigh u nan, shi dooshima man mimin yô, man shi bem ve nan a za iniongo la ye

Yô va yimam, ga yô shie u iniongo You i zurum,Yawe kpan Wou,Ter m kuma sha u zan iniongo ga, ihyagh man iwuhe ihom wuham, hua kange num a mo sha kwagh u inyar Tor u gbem ve chinge sha mo Tere, m chôugh iyol a ifer ka pe me za keregh ga, m yilan We ye Ter Aôndo, wuham iyol ga yô Tor, mayange me za ker sha won ga

Ka mo tswen ga Ter Aôndo aye Ter u Uma, ior kpishi mbagenenev kpa ikyondo ve kuma iniongo ga, idya wuhwa ve iyol, msôrom man tema tor, aie kpa tema keregh ka kwagh shon, ijimba wuhwa ken mbagenev, mbagen ka igbinde, ka wea bende ken ve ve tese u er ve lu inja yô, se wuhwa ayol ne nga chôv chôv, se kuma u zan iniongo i tsôron ga

Aôndo,Tor u Sha u hemban,Tor u gbem ayange iniongo zurum, sha u za kohol, jighjigh u nan wase u ken Yesu Ter kuma u se za je ga, iv se agee, ieren i bem shi dooshima m sav a sav, hua se akondo ne,Tor u hemban Sha tindi Jijingi Wou Tor A va suwe se, ve se kuma u nyôron, iniongo i tsôron ye

Ter wuhwa se iyol, Ter wase Tor u gbem, er se nyôr iniongo a We imôngo sha ya u tsôron yô, se za ya iwer a Yesu Tor u gbem