[Nenge] iwa ngi, iwa ngi a aeren a dang ken i ngee kpishi, man Paulu yange wa kwagh er se den eren er iwa ga me pande shi me ôr ne aeren a i vindi vindi

Iwa i kenger kwagh, iwa i iin iwa i nôngon num kpishi i yô i rumun vanya ve maiyange ga, kwagh yan u iwa yô ka cii orumace a ya ga hen ape ve za zough hen kwase kpa mô hidi jime ga ayuu nenge iwa sua hide ya cica yô nengem ase myer u, iwa ka i yer or hen kpe gbenda la sha wono

Kwagh u se vende sha zwa wase se mba eren iwa sua ya cica, u nôngon num yô ka kwagh u bo hen mbagenev ga, shi mbadondon mbagen venda vanya u ngohol, cieryol kpishi, man u ngohol vanya ne yange wase Abraham, a yôr iwer a yima Loti Loti za war u timin, man shi Sara yange a de nengen a shie na va mar wan ka pe vanya u ngohol alu ne

Tseegh ga shi iwa ife hen ape, or nan zan ga cii tsô i kar, i kar i hemen gbenda sha inja je er i fa pe or nan yemen yô, u za kaha gbenda kpa nenge i yô ifa ga, i lu di yemen ungwa imba inja la shawon, anmgbian wam wea fa kwagh ga yô se de wan zwa wase sha mi ga ieren la i doon ga

Iwa kpishi igenegh yô ngi iin hen ya ve ga, saa uya mbagenev, mlu a kule ga orgen za va ayôôso er nenge iwa za ma un ajikyegh, m venda kwagh, shon shi m kaa, hen ya ne yô i iin ga, kpa m bughun zwa u iwa yô m kav apusu a ajiakyegh oo lyam huan, mo zwa, ahii mba undun ajiir a ve yemen eren afer ken ica la ve fa ka kwagh u iwa ka ieren i or ga, Ter Aôndo A tsaha ve keng ve de ve hide hen Ter wase Aôndo er ian i shi her ne

Na iwa kwaghyan u dedoo i yaan heregh ave je man shi, wanye a za akôngo u nenge kwagh, ka i undu i za, i za ya akôngo a wan cii i hide i va ye, ahii iwa zwa môm nee? cieryol kpishi pe mbakristu mbagen kpishi ka vea yaan iyol, i Ter shi vea maan a ma awambe a Yesu er a kundu uuma vev, a kundu ve iyol yô, ka u man, ka u za man msôrom a tar imôngo eren idya a ve imôngo, u kaha ga mkposo yô ngu ga Yesu, Ahii wase, se de u eren aeren la sha er se doo U ishima yô

Na orvanya kwaghyan a yaan hen ape iwa i lu tsô u nenge a kwagh u kunya, shi iwa ka i de zende, cii i tema u kenger, civ ase shi na iwa we i fa ken ishima ka or, orvanya a lu yan kwagh, heen yô nenge i de u kenger, wanye u cukuu kpa ka un a yaan kwagh, iwa ka di zuluu sha u kenger, shi pilaiwa jim jim yô ka a dugh kwaghyan la shie u genegh tsembelee a yem ami, kunya kpa kôr i ga, se Mbakristu yô se var nen ken Ter Yesu tar a sar a doo nan kpa se kenger Yesu tseegh

Se ôr, se bee shawon, aeren a iwa ka kwagh u se bee je ga, Jijingi yô ta se iwanger, shi suwe se tesen se a vindi vindi se fa u paregh, mba ve lu eren a la ve de, mba eren, ga kpaa se seer shima i taver, Ter A rumun imba inja la sha tar, Na ga se de kpum kpum