Pe Yesu lu sha kon vaa imo genger genger, “Eli Eli lamasabatani” Aôndo Wam, Ter Aôndo Wam kanyi U undumu? Tor ôr kwagh ne shie u A tôô afer ase cii ime i shile ngigh, sha a Na,Ter Yesu taver imo ye

Aôndo gema jime a Tor hen zum u asorabo wuha Ter Yesu iyol ime i wa yisa tar, “Aôndo Wam ka nyi U undumu?” Tor hungur a Ter Na je ga, Ter U wase Un sha u kulen tom Na, ka nahan ve se yilan We.

Tar tenger juu, ihom ngi avese yô nenge ican i uange va taver, kande ior kpishi, iku i ngbough, ijen kpa kôr de ga, ityav, ityav ityav nôngo nôngo kpougholoo! Ka nyi U undu se? Ter wase Aôndo ka nyi U undu se?

I za se iyol sha won or tsô iyina a nan ga, mzough gba ica bem ngu a pe teman ga, kwagh er iwuhe va nyôr sha kwa-ishor a iongo ga, tsô Tor, mpav gbile iwer, inum sambe se yô u civir We hegen ka ican tsô, Ter i nande mbagen wuan se Aôndo wase yô de undun se tseegh ga

Alu U kende se yô, Ter se gba ken tar u we ime, tar u bo a hemba se, tar a tim avese se war sha won ga

Ngise U kaa a Iserael, kwagh un a tser ve ve vea vaa a We U yima ve keng yô, se kpa i kaha ga, ku! Ter Aôndo, ka We se civir ye, ungwa se kwelegh, tar penda ashe ikyôr doo ga, tar nzughul gande, Yehova ungwa se amo, yima se, ken imbatar ne, ka tar u or we U iko ga, tindi gba kwagh ga

Ka mimi tindi yô ban ken tar ne, ifer i ngee je kpa se wa ave ikyum se nungwa a tar ne ga se yô kwagh hemba se ve, de undun se ga; de undun se ga, se se genger imo u yilan,Ter wase ka hen We se za jighlii, se za pe genegh ga, se se vaan a Tor u gbem

Ter Aôndo u tsôron shi ungwa se kwelegh ican i tseren se We U ngu hana? Han se nengen a ipila mtim, ican ngeghelee ka nyi Ter U undun se? va yima se sha ikyev i orihom u terankon, sha er se se tema, se civir We ken tar ne a iember yô