Se za wegh sha or u Ter Aôndo u tsôron Yehova a shigh nan mkurem ga mbadondon, shin alu ka liam je, kpa se er nen teghlee ga yô anmgbianev, Ter wase Un a de se ga.
Se za wegh sha or u Tor, Ter Aôndo A ver se yô se bunde iveren, mbadondon de me kaa ne, ior tim sha imba gbenda ne, ior mbagen tôô ifan je.
Ter lu tim Datan vea Koraki, Abiram ci u yange ve mough ayôôso a Mose gande, shi ve nyôr liam sha na u dang er a ya kuma ve, a ya kuma kanyi a kende iyol, er a gema hemba, ior i Ter anmgbianev,Tor tim ve kera inya pav ve nyôr piliaa,Ter tsahan kwagh ne ka u numben ga
Yerobiam, hôn wegh sha or-Aôndo wegh kera hide ga ku saa nelôô, gande tsô a gba zamber, Ter hide un a wegh, heregh nahan a kera chihi or u Ter ga, or u Ter wase A tsegh nan, ka or u numben sha min ga mbadondon, pe se kumbur sha nan yum ve Ter A tsaha se ne
Se kaa nena mbadondon, hen avese kpa se mba a ior, mba Ter A shigh ve mkurem, A tsegha ve sha cighan tom u kuran iyôngo Na se mbadondon, man shie u ka kwagh a nzughul se a ve ka a tema, u ôron la nahan liam, yase i tesen mimi kua ieren, er ka ônov mba Aôndo mba se fe Yesu Tor kpa?
Tsô m nenge, zum u kwagh ka un a nzughul mbagen a or u Ter wase Aôndo, yô ka ve hingir ayôôso, ve hingir a liam zwa lamen, gedee mba a ya inyaregh, mba ôron er or ne wa idya, or ne zer, gbem yum nyian yô hôôn se kpe, ieren i or, Kristu ka i kera lu hen shien la ga
Se ungwa er Saulu lu ihom a Davidi, lu keren u wuan un a wua je yô, yange i Davidi za kohol Saulu yaven la, zua ian i wuan un, yange kurutya na, kaa er, de m tume un, iwange me wua un, kwagh a bee sha, kpa nenge Davidi ti yô venda, sha u zan wegh nagh sha or, u Aôndo A ver yô, i lu er ka ayange ase ne nahan ma se de kpa? Or a kende wegh, ma se rumun a imo zwa er i tume i tume i wua un sha a zam iyol gbem gande
Alu or u Aôndo A ver hen atô wase yô, nan a er kwagh, sha mlu u cighan u nan jim ga, nan a nzughul avese sha ma kwagh, a hingir, nan kpaa se wa nen ishima gbang gbang tsô, doo u se lu haghelaa se lu bur u iyongo ser nan er kwagh la vihi je ga, Davidi lu cian Saulu eren a er a na yô, ka er yange a fa er ka or u Ter yô
Anmgbianev, shi ma ide toron se sha or, u Ter Aôndo ga, ifan kegh kua iyugh, i Ter sha or u nan a er, beer tsô nan a kpera iyugh, or u Ter A ver yô se cia nan, a hingir, nan se za wegh ga, se sôn Ter A na se agee er se paregh ifan yô
Or u Aôndo, kpa a umbur ken shima, de eren tom ne sha ipila wer Tor Ugbem,Ter ngu her je ga, umbur iyange i genegh,Ter Un a pine u kwagh sha iyôngo Na i A we u sha ikyev ne yô, we kundu shima de gbe tusen ga, ka wea lu agee kpishi kpa u gôron a gôr, ior ga
Zungwe se mhôônom Ter sha mba, myen asev cii sha ishigh You Tor, wase se u kaven, u wan ishima a ior mba We Tor u tsôron U shigh ve mkurem U ver yô, Jijingi Wou A suwe se iveren i de karen se ga