Ngise la se lu, ikpan ken tar ne kpa Ter Aôndo iyol Na tindi Yesu va due avese, se mba yemen, ken tar u ityendezwa pe se za lu gbem

Tar u, se yemen ker yô ka tartor u Aôndo, Ter wase sôr u sha, u engem doooo! Se za, nyôr keregh se ger iember

Tar la mondo iember ngee ken tar la shawon, ku kpa ngu ken tar la ga cii, or a nyôr ker yô nan a tser a angev ga

Ican ngee, sha gbenda nan nan kpa se yina ishima ga, Oryiman Yesu Ter hemen gbenda

M umbur, ior mbagenev ve yina ishima yô Ter yange ve u, nyôron tar u kanan la

Ve kaa er, se jim yô se faityô u nôngon a mbakanan ga, ior mba ageev ngee ken tar u Kanan la, uikyôrmbaiorov kpa shi mba ken Kanan je, se hen ave yô ka er ka mbahungwa nahan tseegh tsô

Hegen ne kpa, mbadondon mbagen tema sha u tan ior, mbagenev mciem iyol sha u zan hen Ter Aôndo je, ka ve kaa er mimi ican ngi ken Kristu gande, u kimbin zegeinyar la mayange je se faityô ga, nea de ga yô ne kpa ayange ne ne kera nyôr, ken tar la shawon ga

Yosua, man Kalebu yô mban kera yina ishima ga, ve na Ter jighijigh yô ve ve nyôr, ken tar u Kanan la

Se kera cia ican ga, taver nen asema, Ter A zungwe se se kpa se nyôr ken tar la keng keng

De cian ican ga, se mba ikyua ooo! U nyôron ken tar u ityendezwa la

De cian ican ga, se mba ikyua ooo! U nyôron ken tar u doon la