Ngise Yesu lu ôron kwagh a mbahenen nav yô A pase ve er saa di ne lu ior mba ungwan kwaghaôndo shi ne lu mba eren shamin keng ve Ter wase A rumun ne ye.

Ka se a ungwan Cighan Loho u Aôndo u myom u Yesu sha imo i Bibilo shi kua mba pasen se yô i gba u shi se tese ieren atam a dugh ken mgemshima la ka sha a man ve tar u a kav se shamin ye mbadondon.

Atam shon a hingir se ieren yô ka u lun a dooshima u a sangen a sange ga la shi ka u paven a ihom i kôron iwuhe i eren idya kua shi u lun igbur imôm a tar la shi u civir akombo kua mbaaôndo mbakpenev la, m sav a sav tsô ityô yam

M ngu nengen shin mo, ka lun mo er ayange ne ior kpishi hemba soon sha u ungwan a ungwa kwagh Aôndo yô, kpa u eren sha mi hena zan zan.

Ikyav i tesen yô, se nenge ka shien u ivangeli i lu zenden hen tembe ne ikpilaior kpishi mba yemen mba adua, ayou a adua man shi inongo i Kristu samber ken tar ne kpishi man ayôôso ngee hegen ken tar ne gande, hii ken uya asev man ken nongo u Kristu man, ken afishi tar ne cica, tese ikyav er se mba ungwan kpa ieren yô kera dondo keng keng ga.

Alu u tsuwa ikpilaior ken vese mbadondon u na ve inyaregh sha ikyev, shin na ve ma tahav, u nengen kwagh ihindi a tau iyol, hua u inyar man pila ya tor, tese ikyav er se mba ungwan kpa ieren yô kera dondo kpee ga.

Se mba se lu uicighan mba Aôndo A yer yô doo se kura nen kwagh u Yesu Ter ôr se ne Ortese Atese kua shi Mbavangeri a Mbatamen, Udiakon shi ne Mbahemen cii alegh se mbadughun man mba wan atsam se tese nen ieren i dedoo sha er tar ne a nenge man ua civir Yehova Aba Tor Ugbem.

Icighan Jijingi ka We man U wase se U na se agee a se ungwa man se tese ieren i vough, ve Ter wase A rumun se ye.