Aôndo ngu tesen mhembe u cier iyol yô se sule iyol se tile jighlii, hanma kwagh u a er yô ngu mlan hen Na ga cii, Ter fa ve A ne ian ye.
Tor ngu tesen mhembe u cier iyol anmgbianev se kundu nen asema se sule nen iyol ken tar ne ityô yam, kwagh môm ken tar ne u un a gba va eren, hen or wase ve Ter A lan je yô, môm môm tsô kpa ngu ga yô, we tar se huan amo zwa.
Se huan nen amo zwa anmgbianev se tile nen girgir Tor u tsôron A er tom Na, Aôndo Ter ngu eren kwagh Na ka sha er lu kaa yô.
A kaa er orumace m er u ka sha vuulevu, u hingir u sha mgbe wou la, pe ilu ve Ter wase Aôndo wuha tar iyol, iyol i kuugh sha igbenda i palegh ga.
Ngu tesen agee a Na, sha akaa a lu se a iwasen jim, ka a kuma Un yô A na ve ian, er mngerem shi usu jim ve tim ior, Ter Uhembanagee ngu yilan ior kpishi sha igbenda ne.
Shi se nenge, akaa a hendan er umatu man agirgi ka igbenda Na, ka a kuma Un ken shima yô A tsua ior, kpishi u yemen zende u A ne ian, alu girgi shin matu kpa a gba a ior mbera tim eleghee, or u waren alu yô Ter wase yange tsua nan, ga ve nan war ye.
Se nenge mbagenev, ka mba yange ve zenden a vese imôngo, ve gba ichôron uange hegen ne, ka i been mayange mayange ga ka zegeiwan, mba tômon u kpen kpa i ve kuma ga yô, Tor na ian ga mba zômon iyol inya.
Kpa shi nenge, or u gbang gbang ngu a kpe ku i kpiligh se iyol, umbur ka awashima u Tor Ugbem, kwagh na u ken tar ne kule Ter wase A yer ye.
Nyian kpa Ter shi va shile tom Na, A va tôô anmgbian wase hen avese sha se mba mlia, kpei ayoo! Ter Aôndo wam, Terem man m er U nyi? Ka nyi ican U erem ne? kpaa se hen nen ken asema Aôndo geman ga Ter vande tseghan iyange ne A yem a na keng keng ye.
Yô se mba Ter A de se u lun uma nyian ne kpa Ter ver se iyange, man gbenda u yemen a vese sha, alu shin mnger shin ken usu shin, ken ican i uange se fa zeoo? Anmgbian yô hen shin shima mem zungwen, ku se kpa se hen sha i yase.
Se yina u timen, sha igbenda i We Ter U lu tesen se, mhembe Wou ken tar ne, Jijingi Wou A tesen se sha er se kuma, se kuma u sônon sha uma wase gayô se fa iyange ga.