Ior ve timbir ashe u kôron anmgbianev vev ihom, er ka via a woom wan ye, er ka tien u ngôm a va woo ye; ityô yam ihom tema tor ken tar ne, gande mbadondon mbagenev kpa i hembe ve ve yem igba ve, mer shin la yô ku a za nyôr ga ga ityô yam? Ne mbadondon, taver nen asema, diabolo kper u tsughun ne ve, or nan yina shima yô ka mtim.

Iyange i genegh ônov mba tyagher-or ugenegh iti na er Yobu, ônov nav ve tema ve gba eren iniongo, ica i gba ga jever-ahumbe mough iubu-bubu va iuuu ta sha iyou wua ve ker purututu, i lu or môm war va ôr Yobu kwagh la ye, hen shien môm akaa a Yobu tim cii.

Yobu ungwa, kwagh ne cii yange ande akondo a iyolough a na a gba inya a gule civir Tor, a zungwe kwagh la je zua angev mbu shimav ga, kpehe asor ga, yan lôhô ijir ga, a kôr anmgbian ihom ga, tien u Yobu va hembe un yem a min ga, ityô yam a lu suur sha Aôndo wase, a kaa je er, ka Ter A ne ye shi A ngohol je kwagh kule,Yobu tese ikyav yô se dondo nen cica.

Anmgbianev, ka nyi kwagh ia er Aôndo Tor Un a fa ga, ve kwagh a eree? Mem ayôôso de vaan kenger sha A na, a lu or u maren wou Aôndo Un a shir a tôô nan, a lu kwase shin a lu nom, alu cii wan u u mar un a yem a kende u je kpaa Aôndo fa, gwarce u sha ityo un a gba tsuwan ga.

Mbadondon, tien wase ka Waniyôngo u Aôndo Tor, tien u a tien Ngu hemben se, tien wase A va hembe se sha ikyenge-kor, yange la ican man hade a yôhôl, se mbadondon, taver nen ishima ken ican man iku i i lu eren se ne, Ter wase Ngu nengen iyol Na.

Iyange i, Ter Aôndo A ver i sha ci wam a kuma yô, mo m ngu tan ne ichin, or a den vihin mo ku, er ka tien u ngôm a fe ku wam ga, mba a zende ijende ijende a menga i man a kpe ku, mo yô ku wam ka hen Yehova u dugh ye

Ter Aôndo nam kpa hegen shi A ngohol je kwagh kulem, me war a or ga, or u hamben inyam gbem, nan gbe num ga, ka kwar u Ter A nem ne.

Ter Aôndo na se kpa hegen shi A ngohol je kwagh kule, se se war a or ga, or u hamben inyam gbem, nan gbe num ga, ka kwar u Ter A ne se ne.