Zege iyange i myom ne va nyôr Tiv ve ka iyange i ember se umbur gbem, gayô Tiv, ve ungwa loho u myom ve.
Ka iyange i vesen, i va nyôr a iember, ka iyange i Tiv ve zua ivangeli hen Sai hen inyom i dubu môm deri utaankar-unyiin kua pue-kar-môm la i lu sha uwer u unyiin la, Ter Aôndo na se iyange i ember ka iyange i se se umbur gbem.
Ngise se tema ken, ime ken zege angôugh ime se kav ga, Ter Aôndo tindi mbatyomov Nav va nyôr, tar u Tiv nyôr se a iwanger.
Ivangeli ne, hii lu sha Sai ken tar u Tiv ne ityô yam, ior kpishi mbagen ve ngohol, awashima u Ter yô lu ivangeli ne i samber, i tser ken akighir a tar cii tar u ungwa cica.
Lu yilan Tiv, kpa ka sha u u ve due ken tar u ime ilu ker ne sha, A soo uma wase je i gande, Na se myom sha wan Na, gbilin, Oryiman, A tindi a ior mba zenden, mba pasen gbenda u myom hen a vese, hii iyange i ivangeli nyôr ken tar u Tiv, mba pasen heregh di zan zan kuma anyom deri ve se umbur ye.
Tom u samber a ivangeli ken tar u Tiv ne ka zegetom,Ter Aôndo oo u hemen, uter asev ve undu, ityar i lu i ve yô, ve va nyôr ken tar u Tiv ne lu ime ngigh ngigh, ve pase ivangeli i Ter zan zan, mbagenev di, iku kôr ve je, ve taver shima her zan zan tsô tom ne samber.
Kape lu ne, sha ayange a Yakobu, kua shi, Sefanu la i sôngo mbagen i wua ityô yam, mbagenev di lu sha awen kpa Aôndo u tsôron undu ve mayange ga.
Paulu, yange penda shigh u pasen, ivangeli i Yesu, ican man atsan kohol Paulu je i gande kpaa cia je ga, a kange iyol na kegh a kegh ican, man ku je kpa Paulu ya ishe ga.
Se kpa Aôndo na se tom, ken tar u Tiv ne ka ivangeli Na, se se yôô ivangeli i Ter Aôndo shi se pase ior, ior i tar ne je se cia ashe ga, a lu ku je kpaa Ter wase vande hemen.
Mough va nen ne mbadondon, Ter Yesu ken tar u Tiv, Mbaivangeli mough nen ase cica, man upaseto cica se ta iwanger, Mzough u Kase mough nen, Mbaatsamev mough nen ase cica, ior i mba MIM mough nen, alegh ne cica wa nen nongo, se za pase nen, atôtyev ne ivangel, er iyange la vea nenge a iwanger yô.
Ka tom u,Ter A ne se yô, Cighan Jijingi Un a hemen, se tile sha mimi yô se pase ior, tar cica u nenge a iwanger i Ter ne.
Va ngohol myom,Ter wase pase se cica, A tee uma Na ka sha ci wase, va se nyôr nongo a Oryiman, er iyange la se va ember gbem.