Tavaku 2014
No. 2272
8 Avur · Daniel Iorwuese Akaaimo (Late) · NKST GENYI YANDEV KELASE U MKAR
Mnder

Ishima yam ka nyi ve u zungwen jimi er nan man we u lu zuluu gbeme, de zungwen ga kwagh u a tser u yô Ter Aôndo kpa fa.

Mrumun

I er u sha awashima u Uhembanagee, awashima u Ter wase yô ka u doon, tema gir gir ver ase ashe ou sha Utsôron.

Ivur 1

Ma kwagh, môm a gba eren ga alu sha awashima u Uhemban agee la je man ikyaa ia er ye, man awashima mba Ter Aôndo A we ve A ne ian, akaa a eren la, mbaawashima mbera ka mba doon.

×2
Ivur 2

Shin Kwaghbo u a tserem kpa Ter Aôndo U fa ka We U ne ian, u kulen awashima Wou man imbya ne i tserem ye ayuu kpei Aôndo wam, er i tserem yô i nyion mo kpa m cia pinen, or u pinen awashima u, Ter Wase yô ngu hana? Or ngu zeoo yô kule awashima Aba Tere, u kulen awashima Wou Terem me pine Kwagh ga.

×2
Ivur 3

Ka mo tswen ga yange kwagh, lu tseren ônov Ou je kpa lu awashima Wou, lu ci u i kpe ve iyol Ter U na ian ikyaa tser ve ye, lu u waren ijen i Iserael jim, Yosev a hingir kpan, i wa un ken gaadi sha u i va dugh un a tema tor, lu sha u a va kosu Iserael, ican ne tser un ye.

×2
Ivur 4

Mkur u awashima wou, ka an nan a yange aye ku Aba Tere, lu awashima Wou, sha u Ninive ma a war, kpa Yona yan kav ga, nyôr tso na ver shigh, u yemen Tashishi Ter U u kule awashima Wou sha na kpee ishu mena un yem a na tese un u yemen ken Ninive ka an nan a yange awashima Na je ve Ter A kule ga, Tor U uma ka an a bunde tom Wou?

×2
Ivur 5

Yô anmgbian tema gba keghen ken kwagh u a tser u tsô Ter Aôndo wa shima vihi je ga, alu ibanave kpa kegh Aôndo, shin alu angev shin nyi ican, shin ma ichôghul, ior mba wasen we saa bee cica, ka awashima u Un Aôndo tsô, U na kule un er A soo kpee, u sôron iveren ci wou yô kegh ashe sha Tor u sha Un u A fe cica

×2
Ivur 6

Mo kpa m gule Ter m shar m ta nyagba ve ashe am nga sha we i tserem m vaan ye, m zamber mer iyongo ne Terem ma i beem sha ishi sha kpa i er ishima You, shi kule awashima Wou a mo Tere er i nyion mo kpa mliam ma igoo bunde uuma nyam i yan ga i er a mo kpaa, je kpa taver mo shima m de naan We ibo ken ican ne ga m zamber

×1
Ivur 7

Se va gule Ter se shar a nyagba, ashe ase nga sha We, i tser se se yilan, se zamber ser iyongo ne Ter wase ma ibee se sha ishi sha kpa i er ishima You, shi kule awashima Wou sha a vese, je kpa taver se shima se de naan We ibo ken mzungu ze se zamber

×1
Ivur 8

Suwe se ken kwagh u a tseren se, Aba Ter wase shi ungwa zamber se a er U ibo sha mliam asem yô zungwe se, ese se mliam ku Aôndo, shi zungwe se ver se ken iember i gbem

×2
Oricam
Daniel Iorwuese Akaaimo (Late)