Tavaku 2014
No. 2269
6 Avur · Rev. David Mvendaga Hilekaan · NKST IVUEN KELASE U GBAGIR
Mnder

Aôndo na se ior i Tiv iember ve,Ter lu na se Icighan Mkaanem Nam va nyôr, Bibilo i nyôr nyian ka inyom i akunduahar-gber i ember.

Mrumun

Ter na se iember, Ter na se Bibilo i ken zwa wase; ikpilaior i haa akum akum, nyian yô se va zua ka sha u se se sugh, Aôndo Utsôron er U tim se korough ku myom yô U kuma u se se na U ishughun Aôndo, ka kwagh u a ne ve se hee heen gbir gbir ne.

Ivur 1

Ter wase na se iember ken tar u Tiv, Ter na se iember yô Ter na se, Icighan Bibilo ken zwa Tiv sha u pasen se ivangeli i myom, u se Tiv se kav awashima u Aôndo se civir, Tor u i de lun, zwa u gen sha won ga u cimin se, u kaven awashima Na je ga, kpa i lu zwa wase er se kav awashima Na jim jim yô.

×2
Ivur 2

Iwua ne ka i vesen, ka iwua i, ijô i gen i ne ga, akur agenegh nga nôngon a nôngo kpa nga a, faityô ga.

×2
Ivur 3

Nenge se Tiv, er se doo Ter wase ishima yô, A na se ivangeli i legh legh ken zwa u Tiv, ve se ve u sughun We Ter u uma, mtse u Bibilo wase kuma anyom akunduahar-gber se sugh Ter wase Aôndo, sha er A ne se korough ku, myom yô.

×2
Ivur 4

Yô se ior mbadondon Ter se ver ishima, awashima u Ter a vese sha u nan se Icighan Bibilo i ken zwa wase, ka u se Tiv yô se lu ior, mba Aôndo A yer se, A tsough se Tiv liam imôm, zwa môm yô Ter soo u se Tiv cii, u se lu zwa môm ken mzough, sha u civir un ken mzough a ishima imôm, pe Bibilo tese ne.

×2
Ivur 5

Iyange ne, ka i ember yô Ter ngu di pinen ningir, lu se kegh ato yô se ungwa,Ter pine se er, mtse u anyom imôngo imôngo, i Bibilo i tse ne, se yô ieren yase yô ngi nena? Se ta iwanger i Ter er Tor A zua a mrumun yô

×2
Ivur 6

Va se sugh Utsôron, sha iember i A ne se, sha u nan se mkaanem Nam ne se ngohol, na se mgemshima sha mkaanem Ou ve Tor Ter ve se nyôr Tar u sha.

×2
Oricam
Rev. David Mvendaga Hilekaan
Atsam a Na: No. 2384, 2385, 2863