M lu eren, ishima yam, lu sha shighe u ayange a uma wam, ken Gomor, a m va kav Yesu, m due u zan ken Soar, man m ngu sha gbenda, tindi ngu yangen mo, u shi kenger, ken Gomora sar, ishima yam gande, ma i pavem a asaren a am ga me nyôr tar Na ga.

M ngu yemen, gar u Soar, ka Ter A ne zwa er m za nyôr keregh, man m war ye, zan yameoo, ka ishima Na, me saa sha gbenda ga.

Loti lu due, ken Gomora kua, shi tsombor na lu yemen, ka gar u myom, i yange gbang gbang nea ungwa ivaa kpa de geman, ga zan zan, je ka er ne nyôr, ye Me sen a yugh, ve kpera di ca ga tsô kwase u Loti gema kenger mnyim, iyugh i Ter ta sha na, hingir cebar sha gbenda.

Aôndo Ter nengen, ken hemen man ken jime vande fan, ieren i kwase u Loti gica, alaghga, una za Soar, kpa una za mem, inja na la zeoo, shin alaghga yô un aza hingir, kwagh u nan nom na gbev, Ter man se yange.

Ter Aôndo afer am, hegen a hoghom a kape mo, hingir er kwase a nom na kape paven ga, Tor wam, aferakaa a yangem, Soar, gema a icebar, a saa gbenda.

Aôndo soo ifer ga, or u nan hoghom ken ifer, nana nenge a Yeruslaem ga saa, mba ve pav a ifer la vindi vindi.

Ka nahan m zamber ye, Jijingi A pavem a ifer kwagh, i de kera yangen mo gar u, Ter Yesu ze Tor, ma U gema afer am, atsebar cii, me kôndo tar u sha ye.

A lu ityoronshima, ijimba iyuhe man anger, yô m ngu zamber, a We Jijingi A dugh sha, a lu iv, iyolwan ihyagh, kpa Terem m zamber ye, A pav a mo vindi vindi.

Ne mbera mba maren mo, shi ne mba sha kov wam, ma ne dugh sha, ken tar she, cii se dondo Ter, se yem a iember sha tar u sha, ne venda yô ne za tar Na ga.

Mo yô ka u nyôrôm keng, la mo kpa i hangem, m zamber ye, lu mea kpe ken Yesu, yô me nyôr, sha tar Na, me mgbough a iember.

Se yô ka u nyôron keng, la se kpa i hange se, se zamber ye, lu mea kpe ken Yesu, yô se nyôr, sha tar Na, me mgbough a iember.