A lu se umbur, mkaanem ma Ter, yan ôr iyol Na er shighe kuma u, mhir Na ityar a tenger ityav a dumbur, zege mtev u sha ican a nyôr ken tar a tema tor, sha a kura jor cii yô, gbe gbe kondo ato, ikyu kpaa shi ia ngee ayange shon gbing gbing je a doo u ungwan ga.

Dooshima kpa, hen shighe la una ndiir, bem kpa shi una lu je ga, lyam u daang de daang una ngee, man shi, ihyom ia samber ken tar ne cica, hanma injakwagh i dang ia ngee, ken tar a iv gbing gbing.

Mlu wase sha ayange ne yô m nenge, ka kwagh u ter wase Yesu kaa a lu eren ye, akaa a Ter Yesu kaa la nga eren, tar hingir gedee a mlyam zwa, man ape wan ityough yô ngu je ga, hanma vegher ka mlyam, er via ne saa ku, ityav num ken tar ne cii pila ya tor ayange ne.

Anmgbianev, kpei ahii nenge inja ne, zegekwagh er ken tar doo je ga, iyange ne kuma hegen hundu tar vihi cica, u nyôr ken Iniongo i Kristu igenengh yô, pila er kwagh ker doo je ga, iyuhe di kpa ngi ker, ve mba kera tôôn usu ayol a ve ga, kwagh ne gande, zan zan je yô, igenegh num sarem doo u nengen ga.

Yô umbur nen, akaa ne kape, Yesu lu ôr se jim je laoo! Ter kaa er shighe a kuma yô, Mbakristu mbagen yô iyol ia kpe ve, A ôr se er a kuma yô, se de lanen zeoo! Ka ayange a shon je ne, de vôron sha kwagh u Ter ga.

Ka shighe u se kura ayol ase je ne, shi ka shgihen, u se er tom u ter Aôndo A we se je ne, sha er shighe u ter wase Una hide cii, Una va kohol se a mi ave u, eren yô, kwagh u a ve se inya ne ka u tesen ikyav er, Ter Yesu zurum, ne mba ne yav ken uya la cii, mough sha Yesu Wantor u Bem la, jighjigh u nan a a lu se kwagh u se na se yina asema ga.

Ter Yesu Oryiman We de undun se ga, mlu u ayange ne taver yô va lu avese, kwagh u a tser se se de we ikyo ga; Ter U hemba atsan a tar ne, kwagh u eren se una lu je ga, se mbadondon Ou, na se sha er se lu epr u kuran yô.