Mba yemen gudugudu, ken tar u mtim, ve undu imo i Tor u tsôron, se mba yilan hide neneoo! Kpa mô ve yôngor ga.

Maa ve iyol yemen, ken tar u mtim, mba yemen, akenge zwa, mba tar ne gbanger, shi u wa ahôm mba yan ember, kwagh u Yesu kpa ve wa ikyo ga, ve nyôr tar nahan se mbadondon Oryiman, kpa ka iferor a we ve tom la ye.

Mbatamen, ôr kwagh a mbagenev kpa, ato kondo kondo kporo, hemba ikyôôr inyom, mba ungwan, kwagh wan mayange zeoo, ka mimi m ôron ne ye.

Mba ve dugh la, kpa mbagenev ve kaha a nima ga, nenge ityô yam, ken tar ne, kpa mba aci je ga, man ken Nongo Kristu, kpa ve undu u ica igba, u hiden, kpa kunya kôr ve, mba fan ape zan ga.

Nenge, ikyuen, ngi ata, kera yô, ka i ker agongo, kaape Tiv ôr inja kwagh la ityô yam, er i tser ne ken tar ne yô, hide nen fefa, Oryiman Ter, Una ngohol ne.

Sha kwagh ne kpa, Ter Yesu iyange ôr, se inja kwagh igenegh, er orgen, yan lu a ônov nav uhar, ilu mba nomso, u kiriti la va pine kwar ken ya u ter na, ngohol man a yen, za vihi, sha asaren atar ne, er za been yô, man ican, i shile sha ana, soo u hiden kpa lu cian, wan zungwe nan nan kpa mough hide ken ya na, Ter na, nengen a na van, ken ica, yô, a wa ayem inya, a za kuve un, ngohol un a iember.

Yô hungur kwagh u kunya kôr nen ayol aen, man aciem, er ne wundu cighan, Nongo u Yesu ga, hide fefa va dondo Yesu Oryiman, Ter una ngohol, ne se mgbough a iember.

Jijingi U, Ter za hide a mba ve dugh la, mba ve fe iti i Aôndo ga la, kpa i iv ve, shi hemen ve, u va wan sha nongo u Ter áa vese imôngo, se zamber Jijingi de kenden se ga.

Den undun se ga Icighan Jijingi, ka we, tseegh u sue se, u lun dông, sha nongo u Ter, zan zan mhir u Yesu ye.