Iyange la tor mir, iniongo lôhô akpam akpam ve va zua her gbir, gbir, iniongo shon la yar sha won.
Tsô a ngure zenden, ker nengen, alaghga ne mba iyange ve tema hen iniongo na, cica ve wuha ayolave, ve wuha iyol, sha ishima na, kpaa or gema lu ker u a wuha sha er tor a soo ga, man tema sha kwainiongo hoghom hoghom.
Lu ikyar na jim jim, wuha iyol côvcôv va tema tor, cia ashe ga, zenda ikyar na hen iniongo sha, tor na zwa er i kange i gbihi ken won, a va ahenge.
I kange un gbang gbang, i gbihi ken angôughime, un u lu ikyar u tor jim la, doo pe iyange un ikyar u tor, je ma lu a ian hen iniongo la, je ma tema iniongo ma dondo a tor je kpa, wuha iyol, sha inja gayô, a va ahenge.
Kape lu je la, anmgbianev, hegen Aôndo Ter sen, lôhô se iniongo se u uma, iniongo i uma, ka Wanyôngo Un A lu Or U hemen iniongo la, man ior, mba zan iniongo ka mbadondon.
Tsô se mough u yemen, iniongo se mba dondon, iniongo la ka i uma, Wanyôngo tile ngu yôôn er hanmaor, yô nana hua mimi u Aôndo kua shi dooshima, jighjigh u nan, ka zegeliga u se hua kengkeng.
Kpa nenge mbagenev, ka akar a waniyôngo jim jim, ve mough ve wuha iyol kpa, ve kera nenge jingi ga, jingi ka tindi u Ter Aôndo gema ashe ker nenge anmgbian u wuha iyuhe iyol u cir aie, man angereke tsô u mough u yemen, idya hingir we liga u tamen.
Kpa iniongo i, Ter A yer, se ka icighan, iniongo i Wanyôngo Na, un or u iniongo ngu van iyange la yô, icieashe bee, mba ve hough akondo a iniongo Na ga, ka u kenden, ve ken ber usu shin alu akar a Na, orwam, kunya u doo ga er liga u ifer sha.
Yô se wuha iyol i niongo ne mbetesen.
Akar a waniyôngo.
Ne mbatamen
Akar a Yesu
Ne udiakon.
Ka akar ana
Atese ikyar u Yesu
Wuha iyol
Alegh
Se mbadondon se nenge jingi, kwagh u ashi yô se sôr, kwagh, u kunya la doo sha won ga.
Se wuhwa sha er Ter A soo, iyange la se za nyôr, se tema sha ucighan Mbamkôn mba Ter A ver se, kwaghyan u se ya, ka iember i uma u tsôron.
Kpa ye mba ve hough akondo, a iniongo la jim gayô, icieashe ngi ga, ka u wan ikyor min je la akange kpenekpene a haa ken angôughime, kwaghyan ve ka berusu, ka u yan anyi ker, kua kweleg.