Ter va na se ember i uma u tsôron, kwagh u ican i Hade la bee, iyange i mar Yesu Oryiman yô, ember ne i hii sha ya u Aôndo Sha, ortyom u Sha va pase se, mmar u Tor u Bem.

Ortyom hii ember tsô ikyomior i sha kpa sen a ember, man ve cica ve gba wuese Tor, kaan, er i wuese Aôndo, bem alu, sha mba i doo Una a ve, tsô ve gba ember yagh yagh.

Aluer, Aôndo iyol Na, je kpa ember mmar u Oryiman, ka sha nyi me tesen iember yam, hen Yesu Tor, man Zenaria shi kua kwagh u humandoon, m ngu ami ga, kpa Aôndo Ter, emam ikyenge icam me kende a iti You sha.

Mbafankwagh jimjim, iyange ve na Tor iwua sha agee ve, kwagh u Ter na ve yô ve kpa ve na Un a iember, mo kpa Terem nam ikyenge Jijingi hemen mo, me ember Ter sha ikyenge zanzan.

Kwase wam man, ônov av, kua ahuraior am, yô mough nen sha, se za civir Tor, a iember, sea lu a makwagh u se za na, Oryiman Yesu ga je kpa, va se na Un asema ase.

Se mba lôhôn tar, cica ser imar Tor, Oryiman ken Betelehem, yô ve mough, shi mough nen sha, Aôndo zungwe se tindi se myom ve, Oryiman yav shin kpese, va se za civir Tor, a iember, Hosana Imanuel, Hosana Tor u Bem.

Yô va nen, purututu se gure inya se civir, Oryiman, shi se ger atsam se ember mmar u Yesu, se na iwua i sha ave shi kua i shin asema.

Haleluya, Oryiman se mba ember Wankyundan, U va se a myom, se gure anu inya se mba sughun, Oryiman, se va Ter a kwagh ga kpa ngohol asema ase.