Aôndo Ter lộô se mba vor Na, iyange a kuma Aôndo Ter wase Una sunda, Una sundam we kpa Una sunda, kwagh u bunden, tsô ngu lun sha won ga.
Aôndo Ter Ngu sundan ior, sha ayange ave. anmgbian ne di kpa A sunda un akende gadeghaa, er Akpe ku yô, ivihi kpishi kpa ka mnyam tsô. Ivihi se yô, se mba vaan puun Tor u gbem tom, huanoo! Ter Aôndo hemba, u fan avese yô de A shile tom.
Ter Aôndo Yehova, lôô se shin tar ne, se mba vor Na, ka nahan a sundan ye.
Ter Ngu A, yar sunda yô, ior mbagenev, ve yar u puun kpurkpur, fa wer kwagh u Ter A sondo la yô, Ter gba sundan ga, ka sha iyange na jimjim.
Yehova, gba akaa ken tar ne, nga ayange a na hanma iaven ngi a shighe na, shighen u maren man shi, shighen u kpen, kpa ka Ter wase A ver ye, shien u lôôn kwagh ngu, shighen u sundan kpa ka Ter wase A ver ye.
Zum u, Ter Aôndo ka una tôô uma u ma, anmgbian shin alu ngô, man ter yô, se lu vaan ser, ayoo! Kpei Ahii! Via, kendem a an wama? ltyô yam, huan nen oo Yehova ti kure tom Na.
Jijingi u Ter, A wase se u kumbur ior na, ga ashe yô, gba wer ga cii, nga ndôộr sha ciu ku ne Tor u gbem. Sur se asema i na i kure, ltyô yam, se kpa ava kuma yó se kpa se za keng keng.
Ngu sundan, man ombon, sha iyange la, Ter A tsaam, mbera mba ve vie la ua haa sha wuna u tsôron, Mba ve vie ga Una haa ken usu.
Mo yô, ka teman, yam je ne me sôr, mlu wam wang, me lu keghen sunda u Tor u gbem, ava gba sha mo yô, A sundam, me yem ken gar u yerusalem u gbem.
Sôr se sốr nen mlu asev alu wea lu wanye kpa sôr mlu wou, or been iyol, sôr mlu wou, ken Jijingi er Ter Ava sunda se lu vor Na yô.