Sha iyange la, zegetor wase Una hemen tsô mbatyomov ve a dondo, Ter gudugudu ve a gba van a iember, Tor u tsôron Una va tema sha ikyônough ki engem, se mbadondon se lu yôôn, ior haa inya, agebautagi, iyange yase i kuma ve.

Ka iyange i ôron ijir, iyange la a zua ci ca cii, Ter A sange mbashôôv kposo, mba i ne ve ibo a lu kposo, Ter a gema ijime a mba ve lu a ibo la, or haa mlyam ashe ma gba ndôôr sha vanger, mba ve lu a ishô ve a lu ember yagh-yagh.

Tsô Ter A tese wegh, sha ve er yem nen heen sha, Mo M fa ne ga, tsô Ter A sondo iju a ve er mayange m fa ne ga, iyange la, diabolo una kar, a nongo na u yemen, or u pinen er mba zan han kpa nan a lu sha won ga.

A vihi ve u zan tsô, kpa nenge or môm a hide ken ijime ga, or a gema ishigh vegher u i lu ember, kpa apolion a nande, yô usu yegh, nan sha nombor ca igba.

Mtsaha u Ter A ver sha iyange i masetyô a vihi gande, mba ve civir Yesu ga la, mtsaha la gbakyôr, ican i usu ngi van ka i been ga.

Kpa ne gema asema yô, Aôndo Ter maa gar wase ngu Shara, iveren i been ga, ngi keghen, se mbadondon, ka sha gar la, yô se gema asema a hegen ne, se dondo Yesu Tor U gbem.

Sha iyange la, Ter A sen, Una yem a vese sha gar u tsôron, tsô a saan se iyol se gba kuhwan, Tor u tsôron, sha gar la, je se lu ember yagh-yagh.