Ior av ungwa nen ityesen yam ne, ka anzaakaa me ôr ne a ye, me pase ne kwagh u uter asev la, se yer ônov asev kwagh môm môm je ga.

Se pase nen ve, ve fa tom u Ter, U kpliligh yol cii, u A er a uter; Ter 'yol Na lu kaa er, i pase ve kpee, Ve umbur, u her je, Ter hemba agee.

Mbayev asev cii, ve waan Ter ikyo, ve de cian ga, ve veren ato; ve de kera luun er uter vev kpaa ga; ikyuryan i Ter la ve umbur i ga.

Ter Aôndo yan er kwagh u kpilighyol ne, A due a uter ken Igipiti je, A pav zege mnger, ve gba peren luu luu, ibyeenegh ki yeghen lu hemen ve tugh.