Kam ka ma m sugh U, Aôndo Terem, me civir We sha icam i utu. Iyange ka i mire kera, We 'wanger yam U undu m ga; erdoo Wou kpaa ngu amo her je; U hembe koson mo a ter; ka We, U verem dedoo man shi U zungwe m mhôônom shin tar ne ye?

Hegen kpaa cir wegh Ou sha a mo kpee, nahan me lu sha ikyev You tugh; kper kpaa, shi We a nderem nahan yô, mo kpaa me wa icam i civir; man aluer me a nder kpaa gayô, jijingi wam a lu a We, nahan me zua a mmem her a We, ka kwagh u a sarem je la.

Shin tugh man tetan ve a gema kpaa, m fa Un u m lu sha 'kyev Na yô, shi m fa vande u m maa sha mi kpaa, me suur sha Na me tenger ga. Ayange am a bee shin tar ne, atsan am cii a kure ve; nahan me civir Ter me wuese, me wa Un icam i hemban cii.