Amar ka kwaghbo ga, ka mba vinen, sha ityôkyaa i wasen, ga la a hingir ibo ye.
Amar ka kwaghbo ga, ka u pasen iember i sha msaanyol hen orumace, sha ityôikyaa i nan zough a iember shima yô.
Ka tsum ior, mbagenev hen iyange ne er ka se zua sha, icivir i Tor wase Aôndo a har abilim cam a nyôr, ior ateregh inya vinen yô, er mbakristu kpa mba vinen amar iwa nan he? Mbagenev yô er kwagh, bôngor hegen tswer ga, kpev hungwa mngerem a er, nan igo alu sha tar di.
De vinen kwagh u vihin la wer u kav, ka mbadondon Ter Yesu je ga, amar a ough la nga pasen, iember i nyi jimi? Kwagh u Kristu afaityô u zuan a belia ga, nikolai oo de vihin se tom ga.
Mbera mba vinen amar, a wanbua Ter wase yue ve, tso ior kpe sha ku u sanker, ihindi taoo kpa amar a doon yô doo Tor, u iyange a, sha ipila ka kwaghbo Mikal yan yange, kpela iyugh hen Ter kehe juu, Mikal zua wan ga.
Shiada u amar a doon, Ter wase Aôndo Bibilo pase se ajiir imongo, angbianev, abo kpa i yer ga, ci u nan iwanger hen ior, er vea palegh iyugh yô.
Iyange i Mbaiserael ve per, shin zegemnger u nyian la, yange zege-kwagh, er iwer kaa imo, aliwee Mirriam gba nga tembe angenga, uga bem, kwase kera hungur ken afo je ga, yan ve vine kwagh, haleluya, aliwee Ter wase hemba, ornyinya, kua un u hendan Ter tim, ve shin zegemnger ve.
Yange i, Davidi tôô areki u Ter ken apenan u hiden la a er nana? Tor teregh inya vinen amar, yôô agebauta Ter Aôndo wam ngu amo, yô or a shi kende wegh, nan due oo! Mbaihomov nav huan ayôôso.
Se umbur, shighe u yange Davidi gber, Goliati ityôugh ken utya la, ikpamkor, gba imo hua genga kaa imo ivaa kpeman ato, kasev cagh amar yange la juu, ayaya wuluoo, haleluya, Aôndo, a gber Goliati tyôugh ayaya.
Se kpa ka Ter abugh, se gbenda hegen u, se ta gercam amar alu shamin ye, ciu awambe a wanyôngo oo se yol, se hingir mbayan dyako u uma doo se mba mase nderan, gercam a iember, "Ayaya wuluoo" Yesu va ken iti a Aôndo, a gber diabolo ityôugh ayaya.
Va nen we tar cii, yange yase i agebautagi kuma, icembekwen ngi sughun u wang yô va se cagh ishor, gbande hungwa imo sha cam adiguve nyôr, lugh lugh yô, se shava amar, orimar a tongo se tsôngor nen akaca, kakaki akaa imo imo na, ikpamkor gba imo ngi sughun Tor, Tor Yehova oo ka ti yough se lu shaven, amar a iember ye.