Ter Aôndo undun, ior Nav ken utya ga, de nen ishima i nyian, se tile sha jighjigh u mimi Aôndo Una rumun, ityav mbi hemba se ga, Ter iyol Na, je Una nôngo mbi sha aci wase mbahyomov a gba tiôr.

Ter Aôndo nenge iyongo i mbahyomov, sha ciu ior Nav, Ter gbihin ve ga, ityav ka mbia kase ior Nav, A nôngo iyol Na.

Ter yan nôngo ityav, ken Igipiti, due a ior Na ken kpan sha kpa, Farou shi zenda ve ken ijime u hiden a ve Aôndo Ter nôngo ityav, sha ci ve A tim Farou, man ikyum utya na cii shin zegemnger cica.

Shi Ter za nôngo ityav, sha ci ve ken gar u yerikyo ve tôô ikyav mbi nôngon ityav a mi ga, lu Ter yan hemen ve, ve za ningir a ningir, gar u yerikyo maa yôhôr, sha agee Ou, Ter Aôndo We U ngu, u or a cihi a hendan, kwagh a We ga, ka We Ter U hembe agee ye.

Hen ayange ne kpa shi ityav, mbi kase sha avese ka ihyom i kôron, man iwuhe kua mtôv u tôvon se mbadondon Yesu a ican, kua shi u kighir ivangeli u Ter Yesu, Ter Aôndo i hemen se, se hemba ityav, mbi ken Jijingi man mbi iyolough ne kengkeng.

Se mba vangertiôr, se fa je ser Yesu u A yem se ne ngu avese Ter Ngu hemen se, or a cihin kwagh yô nana mough, nana kende wegh a nôngo ityav, a ior i Ter tsô nana pie shisha er, tor Herode yan lu pie yô.

Or a ta se mciem, iyol ga hen ushoja, man udasenda kpa se cia je ga, alu gomna shin nyi or, kpa se pase nan iti i Yesu, Ter Aôndo u akum a Sha tindi Wan Na u, môm ya yima tar, sha icighanawambe, iti i Yesu yima hanmaor, nahan ka u se pase ior, kwagh u iti i Yesu Ter Oryiman.

Or a yange se ivangel, ga ka u se pase iti na zanzan, Jijingi A hemen indyer gbuuka kpa se cia sha won ga.