Ior mba kpen manger, or a hemba sha won ga, Ter Aôndo Ngu, Un tswen sha won, tsô.
Aôndo ka A na se iwua, or nan a za iti ken tar ne, kpa i hingir ihyagh er nan, hemba ken tar ne je ve.
Uumace, hii u keren ngise ngise, kpa or hemba ga ka gbilin-kwagh ve lu keren ye, u nengen, ami sha ashe tsô mô wase kpa nengen, ga.
Icivir kuma, Ter Aôndo ve a Wan Na, Yesu ve hemba, ka mimin m kaan, ye tar cii, or a kpen manger ka gbilin tseegh.
Ter er akaa, ken tar ne kpishi tese mhembe u Ter Aôndo, A er, ikyon Ter gba iwo, uifi cii, akaa ne tese se mhembe u Tor Ugbem.
Idyuran man, inyiar ka ve tese mhembe u Ter Aôndo, A gba, ijen man, angev ken tar ne, shi A gba ku, ku ngu wuan, uumace sha won, or a hemba yô, m ngu zamber, or la nan a bunde ku! Kua, ijen man, angev ken tar ne sha yô, se cia nan, or la yô nan hemba.
Mhembe man tahav, mbu ken tar ne cii yô, ka kunya, ka ve shi yevese ayem nzegh-nzegh gbem, or a maa, ityumbe kpa nan ta ihyagh, je er mo yô, m hemba, ihyagh i tan la Ter rumun ga.
Yan venda, a Tor ugenegh la er ade tan ihyagh mhembe ngu sha ci na ga, se nenge tor, hungwa sha ikyôn sha, Nebukadinisar undu mhembe man, tahav mbura cii, gba za yan gwergwer.
Ka an or, nan a hendan aa Ter u uma er mo m ngu tor, nan a tile shisha, Herode hendan a Ter u uma yô i lu azôô va va tese Herode, mhembe u Ter Aôndo ye, tor pie avungu ya un purututu.
Or a tese tahav, hen tar ne shighe kpuaa tsô, Ter a kar a mbu sha, mhembe u nan la gema hin, gir mlyam ma vaan.
Se cia se wa ityough inya, mimi Ter Aôndo, mhembe Na, yisa tar hanma vegher, or a hendan a Ter u uma yô nan a pie ga nan a tôndo gwergwer.
Ior cii i haa inya, se gure se sugh, u Aôndo u hemban, mba Aôndo kua utor cii, or a hendan yô U nan a de or, la nan a pie ga nan a tôndo gwergwer.