Ngise Aôndo zenda Satan ken tartor Na, kpa lu sha ciu, a kende iyol na sha a lu kperan, icivir a Na. Tor zenda satan ken ya u tsôron, A kende iferor ken angôughime, lun na ker her zanzan.

Yô de me pase tar sha icam, ngise zegetor ken Babilon, Nebukardinesar ta ihyagh, sha uiwua mba Ter wase Aôndo na un, kaa er gar ne cii ka mo m er ye, man akaa a lu ker cii ka a am, cica or kuma a mo sha won ga.

Kwagh vihi Ter Aôndo wase sen a iyugh, sha tor ne hingir idyeregh, tume toho, kwaghyan u tor hen shighe ne gema kperan, toho yan a ishôso, ka pe Ter ka A tsaha mba tan ihyagh ne ityô yam.

Ornyar kpa, nan a de te ihyagh a inyaregh ki nan ga, or fan takeda kua shi icivir man tor u tar ne, kua u lun a ônov, man, hanma tahav mbu Ter wase Aôndo Ter A ne se yô, ihyagh i tan doo Ter Aôndo ishima ga se ta hyagh ga.

Ihyagh i tan man u kenden a iyol cii yô, ka iti môm tsô, kpa mo je ne yô ka idyôndon u ihyagh i tan, mba zenden imôngo hanma shighen.

Anmgbianev, mba asema lu ve nahan cica cii ve yevese iyugh i Tor, wase Yehova, ka u dughun mo je ne kua ihyagh ken asema ase ka m yevese iyugh ne.

Aôndo zungwe se ga yô se uumace cii se mba te ihyagh ka se ôr sha zwa ga kpa shin asema yô se lu ôron, Jijingi va wa se ilijam ken asema kôr sha min, geng ge geng kpa una bee, kua shi u kperan icivir a We kpa ian a kôndo, se masen indyaren sha inja sha inja, a doo Aôndo Ter wase Una rumun.