Iyange la yô asaren a tar ne, tema ken ishima yam, m nôngo igbinda atô kposo kposo me, me lu er ior mbagenev kpa ve lu, kpa mayange m lu fantyô ga.

Yan m lu keren kwagh u ganden mo kpa, m fa ga, m lu tômon, mlu, u ior mba-genev ve lu kwagh môm kpa ban ve ga, akondo a iyolough man ayou a injaa shighen la, or a kar sha mato i sarem keng.

Kwagh ne lu kwagh u gbilinigh kpa m fa ga, kpa Jijingi u Ter pasem, er me zua a mmem ken tar ne ga, asaren a tar ne yô aa pirim ashe, u dondon sha Ter Oryiman.

Tsô A kaa er, m dondo Ter Yesu, man me zua aa mmem, ior mbadondon Yesu mba a iember, kwagh u zan ve iyol yô ngu sha won ga.

Tsô m kar ayem, fefa je m va dondo Ter yô saan, mo iyol je gande, ishima yam mem, hanma shighe ka m lu wan atsam, aa iember, mmem ngu ken Yesu zan zan.

Er ka se zua ken, iti i Yesu wan atsam, teren iti i Aôndo yô, ghe ngu a gba imo yô, i sarem u, yinen a vine imar ngi a kaa imo me a vine ga je kpa, ishima yam yô i vine keng.

I vine er tor Davidi ngise yan tôô Areki u Ter ve hen zum la iember mngbough, i kuhwa, leghem tsô Davidi sa kwan lu caghen amar, ape ishima yam kpa ka i sa kwan zum la leghalegha.

M ngu wuese Ter, ken tar ne, shi m ngu lôhôn mbera mba ve dondo Ter Yesu ga, mer, ve kpa ve va, mmem ngu ken Yesu tseegh.