Me gule hen Aôndo u A lu u tsôron, kwagh u tar ne kpa, Terem m yina gba ica, m yina kwagh u hen tar ne, Ter Aôndo wam, mo yô m ver ashe am Sha.
Me gule hen Aôndo, u A lu u tsôron, kwagh u tar ne kpa Terem m yina gba ica, kwagh hembam tsô m ver ashe am sha.
Ior hingir ashagba a ior mba tan ihyagh, shin tar ningir, Aôndo wam ishagba la hangem ga, Tor wam, mo ka uma Ter m soo ye.
Aôndo lu na tor, Nebukadinesar icivir hen tar ne, zan zan kua ishagba, ma kwagh môm kera ban ga, kpa lu tan ihyagh, sha ci u keren icivir lu moron iyol kpishi yô, Ter Aôndo Ter wase, zenda un hen ior sha, hingir, inyam i ken tohoo!! A lu yan gwergwer.
Nebukadinesar, lu ya toho tsa ken toho icivir i zegetor, kpa i bee cica, zan zan ahuraior a tor, kpa yevese Nebukadinesar, gayô ve nenge a hingir, nyam i ken toho, a lu tsan ken avule.
Lu tsan ken avule heen un iyol a undu ya u tor, a kera lu tor ga lu zege-kunya kpishi.
Ka pe kwagh a lu ne, mbadondon mbagenev, icivir doo ve, ve yemen je, Aôndo Tor mo m ngu van, teregh, teregh teregh me gba sha ikyum i Yesu.
Se mba ior i luun, isheer hen tar neoo! Ior hemba se ngee je gande, Ter Yesu, kpa se yô, se kende Ter se za dondo tar ga.
Se dondo mayan ga, yan se vande dondon tar ne je kpa kwagh, hemba seoo! Tsô er, Ter wase Yesu Tor, uumace cii, Ter A yer se yô A ver sha ikyum Na.
Se tenger, sha ikyum i Ter ga, se lu a Ter wase Yesu gbem, sha tar u tsôron, Aôndo A na se agee icivir i tar ne i a hôm, kpa i de saren se ga.
Mbera mba keren, icivir i tar ne, i hange ve yô, ve nenge er, Nebukandinesar yan ya toho yô.
Kpa se mba se undu, icivir i tar ne se dondo Ter uuma, se va ya tor, shi se lu a Ter imôngo gbem.