Hwev vihi zan zan, uma u a we hwev yô ngu eren, kwaghbo.
Hwev vihi zan zan, uma u a we hwev yô ngu eren kwaghbo se ôr ka ie ga Bibilo kpa ôr kwagh u hwev ne ve se pasen ye.
Henpe Paulu, Apostoli lu pasen Mbatesalonika sha iyange la, ior ve lu yaven, ve mem tom u eren, ve gema ve lu zenden côugh côugh.
A kaa er, or u shiren ga la yô nan a de ye kwaghyan ga, or Tesalonika u sha uhar ityough ki sha utar, ki cii yô, ki doo ôron, kpa ne ôr ivur i sha pue tseegh.
Awashima u, Paulu jim yô a soo u, ma ve shile tom, a tese ve ikyav er yan un er tom hen ave kpishi, i lu sha tom na un ya kwagh, mbadondon ve nenge ikyav ve shile tom.
A lu se nenge, gbang yô ken Nijeria kpa, ior mbagenev tema tsô gande tom, hanma tom yô u vihi ve kpa, ishima i shar inyaregh, ior mbagen mba zenden, côugh côugh ve faityô u lun a ikire ga.
Ve gba teman, sha mnger tsô er ka tso mba eren tom ga, man Tor na se inya i lu iveren Na, hanma tom ka Ter Aôndo A ne se ye, saa ubo man, i lu di Satan a ne se ye.
Kpa mbagen, wa hwev ka ve shi sha gambe her iyange i a tsha, inja er mba cian, ma begha ken won mape yô, ior mbashiren ve yar, kpa ve yô mba yaven mnyam tsô.
Yô ior, mba wan hwev dondo ase nen imo i Bibilo ne, ma or u wan hwev a de kera ye kwagh mayan ga, ayange atar tsô nan a kav, er hwev u lu isholibo i nan ku yô.
Mough sha ne mba, wan hwev se shile nen tom, tar ngu yemen ayem de kera yaven ga, or a yav yô ican a ule nan, nana lu u yan anzô, kimbin ga nana yar ikoo zan zan ior ve a laha nan gbem.
De nen u yeren ashe, sha ior mbagenev se shile tom, uma u a lu a iveren yô, shirin ave ga.