Kwaghbo u eren Aôndo, venda un ngise je, lu hegen ga.
Kwaghbo u eren Aôndo, venda un ngise ngise je, Aôndo rumun a ifer i eren ga.
Aôndo soo kwaghbo ga, Mbaiserael lu eren afer, Ter gema ijime yô, Mbamidian, hemba ve ityav, lu sha ifer i eren.
Kwagh tser Mbaiserael ya ican, kwaghyan ve yaan ga, vea lôô iyiav yô, Mbamidian va ityav a Mbaamareki, ve vihi cica, iyôngo kpa ve kôr, ibyua cii, kwagh môm a hungur keregh ga.
Ican tser Mbaiserael, ve kungu ican sha kwagh u Mbamidian; shi ve vaa kunya u kôr, Ter Aôndo rumun A ungwa ve uzamber.
Aôndo tindi ortyom Na, fese va ôr kwagh a Gidion, er za, hemen Iserael ityav; Gidion rumun tsô ve mough yemen.
Er ve gba, yemen ken utya, Aôndo sange, mbafantyav na Gidion, er ve za, nyôr ken afo ve gba ningir sha, imo i Ter Aôndo, ningir ving, tsô korough gba imo; Aôndo nzughul Mbamidian asema, ve, tsua Sanker-utya ve gba wuan ayol a ve.
Se kpa pe se hemba ato, Ter wase Aôndo A tsaha se sha zegecan, ijen kua angev, se tôô bozegecan, i mayange i a bee sha won ga!
Alu se er, kwaghbo yô, se zamber a Ter Una va yima se, se hemba orihyom, Satan ityav ye.
Se mem nen, kwaghbo se eren nen ishima i Aôndo, se tile ca kpa, iferor a gba tior.
Se mem nen kwaghbo, Ter wase Aôndo A na se agee, se hemba nen orihyom Satan ityav ye.